سنڌسماءَچار
Related Articles
سنڌ حڪومت جي سُڌسماءَ واري کاتي جي اڳوڻي صوبائي وزير شرجيل ميمڻ پاران پنهنجي کاتي ۾ ڪميشن تي اشتهار ڏيڻ لاءِ مجموعي طور تي وصول ڪيل 5 ارب رپين واري رشوت جا سمورا تفصيل طلب ڪيا ويا آهن. احتساب عدالت شرجيل ميمڻ جي ڪيل ڪرپشن تي هاڻي ايندڙ ٻڌڻي 16 سيپٽمبر تي ڪندي.
ڪراچي جي احتساب عدالت، 5 ارب رپين جي ڪرپشن ريفرنس ۾ سڌ سماءَ واري کاتي کان جاري ڪيل اشتهارن جا تفصيل طلب ڪري ورتا آهن.
ڪراچي جي احتساب عدالت ۾ اڳوڻي صوبائي وزير شرجيل انعام ميمڻ جي ڪيل پنج ارب ريپن جي ڪرپشن واري ڪيس جي ٻڌڻي ٿي. عدالت ۾ ڪيس جي ٻڌڻي دوران هڪ ٻئي جوابدار جوابدار عاصم عامر جي وڪيل عدالت کي درخواست ڪئي ته سڌ سماءَ جي وفاقي ۽ صوبائي وزيرن، ميڊيا ڪميشن ۽ ٻين کي عدالت ۾ پيش ٿيڻ جو حڪم جاري ڪيو وڃي ته جيئن جاري ڪيل اشتهارن جي حوالي سان ڄاڻ ملي سگهي. عدالت اهڙي درخواست تي نيب کي نوٽيس جاري ڪندي ڪيس جي ٻڌڻي 16 سيپٽمبر تائين ملتوي ڪري ڇڏي.
