سنڌسماءَچار
Related Articles
وزيراعظم نواز شريف چيو آهي ته عوام کي صحت جون سموريون سهولتون جلد ملڻ گهرجن، ڇاڪاڻ ته عوام کي وڏي عرصي تائين پنهنجن حقنکان محروم رکيو ويو آهي. اسلام آباد ۾ وزيراعظم جي صدارت هيٺ قومي صحت عملدرآمد بابت اجلاس ٿيو، اجلاس کي خطاب ڪندي نواز شريف چيو ته صحت جون سهولتون ملڻ عوام جو بنيادي حق آهي، حڪومت مٿن ڪو احسان نه ڪري رهي آهي. نواز شريف چيو ته صحت پروگرام ۾ غفلت ڪندڙ آفيسرن کي برداشت نه ڪيو ويندو. هن چيو ته ڪي پي ڪي ۽ سنڌ جي پٺ تي پيل علائقن ۾ غريب ماڻهو بيمارين کان وڌيڪ متاثر آهن. ٻئي طرف وزيراعظم هائوس اسلام آباد ۾قومي اسيمبلي جي ميمبر غلام بيبي ڀروانه سان ملاقات دوران ڳالهائيندي نواز شريف چيو ته ملڪ ۾امن امان جي صورتحال بهتر ٿي رهي آهي. هن چيو ته ملڪ ۾ ترقياتي منصوبن سان ترقي ٿيڻ سان عوام کي سهولتون ملنديون. وزيراعظم نواز شريف وڌيڪ چيو ته حڪومت صحت ۽ تعليم جهڙي اهم شعبن جي بهتري لاءِ ڪم ٿي رهيو آهي..
