سنڌسماءَچار
Related Articles
نيٺ 38 سالن کانپوءِ لنواري شريف جي درگاهه عقيدتمندن لاءِ کولي وئي
بدين( خاص نمائندو سنڌسماءَچار) اوقاف کاتي جي چيف ايڊمنسٽيٽر 38 سالن کان بند پيل لنواري شريف جي درگاهه کولرائي ڇڏي آهي، درگاهه کلڻ کانپوءِ سوين عقيدتمند درگاهه تي پهچي ويا ۽ حاضري ڀري. اوقاف کاتي جي چيف ايڊمنسٽريٽر منور مهيسر جمعي ڏينهن لنواري شريف پهچي، 1983 ۾ ۾ بند ڪيل بزرگ سلطان اولياءَ خواجا محمد زمان لنواري واري جي درگاهه کولرائي. درگاهه لنواري شريف ٻن ڌرين ۾ تڪرار کانپوءِ 38 سال اڳ ان کي سيل ڪيو ويو هو. شاهه عبدالطيف ڀٽائي جي پارکو ۽ محقق انب گوپانگ پنهنجي سوشل ميڊيا اڪائونٽ تي پيغام ۾ چيو آهي ته، ” دادا ڀائي، دمائي پيرن ۽ سندن ساٿارين حضرت پير گل حسن شاھ جي جي انتقال پڄاڻان درگاهه ۽ دولت تي قبضو ڪيو ۽ ستن هارين کي شهيد ڪيو“ هو.
هن چيو ته درگاهه کي کوليو ويو آهي ته ته هاڻي ان تي ڪنهن کي به نه روڪيو وڃي، ڪنهنجي لاءِ ڪا به روڪ ٽوڪ نه هئڻ گهرجي ۽ سڀني ماڻهن کي اتي اچڻ وڃڻ/ حاضري ڀرڻ جي اجازت هجڻ گهرجي. درگاهه سميت علائقي ۾ امن امان لاءِ به انتظام ڪيو وڃي. انب گوپانگ سمورن ماڻهن ۽ درگاهه جي عقيدتمندن توڙي کي به اپيل ڪئي آهي ته اُهي پيارامن ۽ محبت سان امن جو پيغام وڌايو وڃي.
