او پي ايس تي مقرر ڪراچي ڄائو ڪليم امام آءِ جي سنڌ جون ذميواريون سنڀالي ورتيون

Asghar Azad September 12, 2018 سنڌ Leave a comment 1,300 Views

ڪراچي(رپورٽ: اصغر آزاد سنڌ سماءَ چار) وفاقي حڪومت سنڌ سرڪار جي صلاح مشوري کانپوءِ اون پي اسڪيل (او پي ايس) آءِ جي سنڌ طور مقرر ڪيل ڊاڪٽر ڪليم امام پنهنجي ععهدي جون ذميواريون سنڀالي ورتيون آهن. ڪليم امام کي امجد جاويد سليمي جي جاءِ تي مقرر ڪندي 7 جولاءِ تي مقرر ڪيو ويو هو. ڪليم امام 22 هيني گريڊ جي آءِ جي واري پوسٽ تي مقرري لاءِ سينئر پوليس آفيسرز جو چوڻ آهي ته، ڪليم امام سنڌ جو ڊوميسائل رکندڙ ۽ ڪراچي ڄائو آهي، ڪليم امام ايڪيهين گريڊ جو موسٽ سينئر پوليس آفيسر آهي. هڪ سينئر پوليس آفيسر سنڌسماءَچار کي ٻڌايو ته، ڪليم امام پ پ پ جي حڪومت ۾ مقرر ڪيل سمورن آءِ جيز کان وڌيڪ بهتر ثابت ٿي سگهي ٿو. ڪليم امام سنڌ پوليس ۾ اڳ ڪنهن به پوسٽ تي ناهي رهيو ۽ اهو مک ڪارڻ آهي ته هو پوليس جي روايتي ٽولي بازي جو آساني سان شڪار نه ٿيندو.