سنڌسماءَچار
Related Articles
پارٽي ۾ گروپ بندي موجود آهي،مان انڪار به ڪيان ته حقيقت تبديل نه ٿي ڪري سگهجي: جهانگير ترين
اسلام آباد( خاص نمائندو سنڌسماءَچار) حڪمران جماعت پاڪستان تحريڪ انصاف ۾ ٻه ڌڙا موجود آهن، اهو سبب آهي جو حڪومتي وهنوار هلائڻ ۾ ڏکيائيون پيش اچي رهيون آهن، پي ٽي آءِ ۽ حڪومت جي ڪپتان وزيراعظم عمران خان جي ويجهي ساٿي ۽ نائب ڪپتان ليکيو ويندڙ جهانگير ترين نجي ٽي وي سان ڳالهائيندي ان ڳالهه جو اعتراف ڪيو آهي ته، “ان ۾ ڪو به شڪ ناهي ته تحريڪ انصاف ۾ ٻه گروپ موجود آهن، جيڪڏهن مان ان گروپ بندي کان انڪار ڪيان ته اهڙي ڳالهه ٻيو ته ٺهيو پر پارٽي جا اڳواڻ به قبول نه ڪندا، سو اها حقيقت ۽ بدقسمتي آهي جو پي ٽي آءِ ۾ ٻه ڌڙا آهن”، جهانگير ترين نجي ٽي وي جي پروگرام ۾ ڳالهائيندي چيو ته ، “ گروپ بندي اها حڪومت ۾ هجي، ڪنهن ڪمپني ۾ هجي يا تنظيم ۾ انتهائي نقصانڪار هوندي آهي ۽ اهڙي صورتحال ۾ ڪم ڪرڻ ڏکيو بڻجي ويندو آهي، اختلافن يا گروپ بندي جي نتيجي ۾ گهربل نتيجا به ملي ناهن سگهندا”.
