سنڌسماءَچار
Related Articles
ڪراچي(رپورٽر سنڌسماءَچار) آصف زرداري جي آءِ ٽي جي رپورٽ بابت 26 هين ڊسمبر تي نئونديرو هائوس ۾ ايندڙ لائحه عمل بابت فيصلو ڪندو، 27هين ڊسمبر تي شهيد بينظير ڀٽو جي ورسي واري جلسي4 ۾ اعلان ڪيو ويندو. ان سلسلي ۾ پ پ چيئرمين بلاول ڀٽو زرداري جي ترجمان مصطفيٰ نواز کوکر ۽ مرتضيٰ وهاب چيو آهي ته جي آءِ ٽي رپورٽ شهزاد اڪبر جي موجودگي ۾ تيار ٿي، جيڪا ظاهر ڪري عدالتي حڪم جي خلاف ورزي ڪئي وئي. ڪراچي ۾ پريس ڪانفرنس ڪندي پ پ اڳواڻن چيو ته نيب عليم خان، پرويز خٽڪ ۽ ٻين کان سوال جواب نه ٿي ڪري، ملڪ ۾ ون يونٽ مڙهڻ پي ٽي آءِ جي ايجنڊا آهي. پ پ اڳواڻن چيو ته سليڪٽيڊ حڪومت کي سپورٽ ڪرڻ لاءِ مخالف ڌر کي انتقام جو نشانو بنايو پيو وڃي. هنن چيو ته چئن اڳوڻن خلاف ڪيسز هلن ٿا پر آئين ٽوڙيندڙ پرويز مشرف کان ڪير به پڇڻ وارو ناهي. پ پ اڳواڻن چيو ته پ پ قيادت لاءِ ڪيس ۽ الزام نئين ڳالهه ناهي، ڪيس به وڙهنداسين ۽ رستن تي به اينداسين. مصطفيٰ نواز کوکر چيو ته اپوزيشن جماعتن سان رابطي ۾ آهيون، جي آءِ ٽي رپورٽ بابت 26 ڊسمبر تي لائحه عمل جو اعلان ڪيو ويندو.
