سنڌسماءَچار
Related Articles
ڪراچي ( رپورٽر سنڌسماءَچار ) سنڌ حڪومت ڪرونا وائرس جي روڪٿام لاءِ ايس او پيز تي عملدرآمد ڪرائڻ ۾ ناڪامي سبب ڪرونا ڪيسز ۾ تيزي سان واڌ ٿيڻ لڳي،گذريل 24 ڪلاڪن دوران پاڪستان ۾ مجموعي طور ڪرونا جي 747 ڪيسز جي تصديق ڪئي وئي جن مان 365ڪيس سنڌ جي راڄڌاني ڪراچي ۾ رپورٽ ڪيا ويا آهن. ملڪ ۾ ڪرونا جي صورتحال بابت اين سي او سي جي اجلاس دوران به ان ڳالهه جو اعتراف ڪيو ويو آهي ته سنڌ خاص طوطر تي سنڌ جي راڄڌاني ڪراچي ۾ ڪرونا جي ڪيسن ۾ ٻيهر تيزي سان واڌ اچي رهي آهي، جيڪا صورتحال انتهائي خطرناڪ آحي، ڇو ته صوبي ۾ سڄي ملڪ جيان تعليمي ادارا خاص طور تي پري نرسري، نرسري پرائمري اسڪولز به کوليا ويا آهن. اين سي او سي جي اجلاس دوران دوران سنڌ جي صحت کاتي جي سيڪريٽري ڪاظم جتوئي بريفنگ ڏيندي ڪيسن جي اضافي واري معاملي کي مانيٽر ڪري رهيا آهيون، انتظاميا کي به ايس او پيز تي عملدرآمد ڪرائڻ لاءِ چيو آهي. اجلاس دوران وزيراعظ۾ عمران خان جي صحت بابت خاص معاون ۽ شوڪت خانم اسپتال جي اڳوڻي سربراهه ڊاڪٽر فيصل سلطان چيو ته ڪرونا جي روڪٿام لاءِ ٻيهر ملڪ ۾ سمارٽ لاڪ ڊائون لڳايو وڃي.
