سنڌسماءَچار
Related Articles
سنڌهاءِ ڪورٽ مان ضمانتن واريون درخواسستون رد ٿيڻ بعد اسلام آباد هاءِ ڪورٽ مان حفاظتي ضمانت ڪرائيندڙ سنڌ جو اڳوڻو سُڌسماءَ وارو وزير اسلام آباد پهچي ويو، صوبائي وزيرن مڪيش ڪمار چاولا ۽ امداد پتافي سان گڏ اسلام آباد ايئرپورٽ تي پهتل شرجيل ميمڻ کي نيب اختيارين حراست ۾ وٺڻ بعد نيب اختيارين کيس آزاد ڪري ڇڏيو آهي. شرجيل ميمڻ سومر ڏينهن اسلام آباد هاءِ ڪورٽ ۾ پيش ٿي عارضي ضمانت ۾ واڌ واري درخواست ڏيندو. شرجيل ميمڻ خلاف 5 ارب رپيين کان وڌيڪ جي ڪرپشن، حيثيت کان وڌيڪ ملڪيتون ٺاهڻ سميت مختلف ڪيس داخل ٿي آهن.
سنڌ جو اطلاعات وارو اڳوڻو وزير شرجيل ميمڻ وطن واپسي تي اسلام آباد ايئرپورٽ تي گرفتار، سنڌ جي چئن وزيرن جي اهلڪارن سان هاٿاپائي، رپورٽ موجب سنڌ جو اڳوڻو اطلاعات وارو وزير ۽ پ پ اڳواڻ شرجيل انعام ميمڻ پوڻا 2 سال دبئي ۾ رهڻ بعد وطن واپس پهتو ته کيس اسلام آباد ايئرپورٽ تي گرفتار ڪيو ويو، گرفتاري وقت شرجيل انعام ميمڻ سان گڏ سنڌ جا 4 وزير فياض ٻٽ، تيمور ٽالپر، امداد پتافي ۽ مڪيش چاولا گڏ هئا، شرجيل انعام ميمڻ جيئن ئي جهاز مان ٻاهر نڪتو ته جهاز جي ڏاڪڻن تي ئي قانون لاڳو ڪندڙ اداري جي اهلڪارن گرفتار ڪري ورتو.
گرفتاري دوران شرجيل ميمڻ توڙي وزيرن اهلڪارن سان مزاحمت ڪئي، جنهن دوران وزيرن ۽ اهلڪارن وچ ۾ سخت هاٿاپائي ٿي پر ان باوجود اهلڪار شرجيل انعام ميمڻ کي گرفتار ڪري کڻي وڃڻ ۾ ڪامياب ٿي ويا، شرجيل ميمڻ کي گرفتاري بعد نامعلوم هنڌ منتقل ڪيو ويو، مٿس اطلاعات واري کاتي ۾ اشتهارن جي مد ۾ 5 ارب 80 ڪروڙ رپين جي ڪرپشن جو الزام آهي، ذريعن موجب هن وطن واپسي کان اڳ پنهنجي مختلف ڪيسن ۾ گرفتاري کان اڳ واري ضمانت ڪرائي ڇڏي هئي، هن ڪيترائي ڀيرا پاڪستان اچڻ جي ٽڪيٽ ڪرائي ۽ آخري موقعي تي ڪينسل ڪرائي ڇڏيندو هو، شرجيل ميمڻ ڪراچي ۽ اسلام آباد ٻئي ٽڪيٽون ڪرايون پر اسلام آباد ايئرپورٽ تي لٿو، شرجيل ميمڻ کي گرفتار ڪندڙ اهلڪار سادن ڪپڙن ۾ هئا، جنهن جي ڪري واضح نه ٿي سگهيو ته هو قانون لاڳو ڪندڙ
اهلڪار هئا يا نيب اهلڪار هئا، ذريعن موجب شرجيل ميمڻ کي نيب سنڌ گرفتار ڪيو آهي، هوڏانهن ٽرانسپورٽ واري وزير ناصر شاهه چيو ته گرفتاري خلاف ڪورٽ ۾ وينداسين، پارٽي قيادت کي اطلاع ڏنو آهي، شرجيل جي هاءِ ڪورٽ مان ضمانت ڪرائي هئي، کيس گرفتار ڪري زيادتي ڪئي وئي آهي، هو ڪو ڪرمنل ماڻهو ناهي، سندس سمورن ڪيسن ۾ ضمانت ٿيل آهي.
امداد پتافي چيو ته شرجيل ميمڻ مون کي جهاز ۾ چيو ته آئون بيگناهه آهيان ۽ پنهنجي بيگناهي ثابت ڪندس، امداد پتافي چيو ته شرجيل ميمڻ ملڪ ۾ آيو ڪيڏانهن ڀڄي نه پئي ويو، اسان کي ڌڪا ڏنا ويا، وزير آهيون، ان جو به خيال نه ڪيو ويو، خبر ناهي ته شرجيل کي ڪٿي کڻي ويا آهن، اسان پڇندا رهياسين ته ڇو گرفتار ڪيو پيو وڃي پر نه ٻڌايو ويو، هڪ شخص پنهنجي ڪيسن کي منهن ڏيڻ آيو، کيس هتي اچڻ جي سزا ڏني وئي، عدالت کي ڪيسن جو فيصلو ڪرڻ ڏيو، اهڙي طرح گرفتار ڪرڻ جو ڪو جواز نه ٿو بڻجي.
