سنڌسماءَچار
Related Articles
لاڙڪاڻي شهر جي رهائشي علائقي جو هڪ ڏيک (فائل فوٽو)
ڪراچي(رپورٽر سنڌسماءَچار) ”لاڙڪاڻي جو ڪهڙُ حشر ڪيو ويو آهي، جنهن کي ترقي ڏسڻي آهي ته اُهو وڃي لاڙڪاڻو گهمي ڏسي“، اهي رمارڪس ڏنا آهن سنڌ هاءِ ڪورٽ جي جج، جسٽس عمر سيال. جسٽس عمر سيال لاڙڪاڻو ڊولپمينٽ اٿارٽي جي چيئرمين اصغر عباس شيخ خلاف داخل ڪريايل پٽيشن جي ٻڌڻي ڪئي. ٻڌڻي دوران جسٽس عمرسيال، لاڙڪاڻو ڊولپمينٽ اٿهارٽي جي چيئرمين اصغر عباس شيخ خلاف وقت تي جاچ مڪمل نه ڪرڻ تي نيب اختيارين تي ڪاوڙ جو اظهار ڪندي رمارڪس ڏنا ته، لاڙڪاڻي جي ترقياتي منصوبن لاءِ ڪروڙين رپين جي بجيٽ رکي رقم جاري ڪئي وئي، هاڻي ڪنهن کي سنڌ ۾ ترقي ڏسڻي آهي ته لاڙڪاڻي وڃي ڏسي. هن رمارڪس ڏپنا تا ڪروڙين رپيا جاري ٿيڻ باوجود ڪو رستو ڪا گهٽي به ٺهيل ناهي، شهر تباهه لڳو پيو آهي. جسٽس عمر سيال جو چوڻ هو ته ماڻهو حڪمرانن کي گاريون ڏيندا آهن. جسٽس عمر سيال چيو ته بيوروڪريٽس به ملڪ کي تباهه ڪري ڇڏيو آهي، لاڙڪاڻي جو ڪهڙو حشر ڪري ڇڏيو آهي.
جسٽس عمر سيال ريمارڪس ڏيندي چيو ته منصفاڻو احتساب نه ٿيو ته عوام جو نيب تان اعتماد کڄي ويندو، هاڻي ماڻهو به چون ٿا ته جڏهن ملڪ کي سڀ لُٽي رهيا آهن ته اسان پيسا ڇو نه کائون. جسٽس عمر سيال چيو ته خبر ناهي هڪ پل ۽ روڊ ڏيکاري ڪهڙي لاڙڪاڻي جي ترقي عوام کي ڏيکاري ويندي آهي، نيب واضح ڪيس جي جاچ به نه پيو ڪري سگهي. عدالت لاڙڪاڻي ڊولپمينٽ اٿارٽي جي چيئرمين ڊاڪٽر اصغر عباس شيخ خلاف هڪ مهيني ۾ جاچ مڪمل ڪري رپورٽ پيش ڪرڻ جو حڪم ڏئي ڇڏيو.
