مني لانڊرنگ ڪيس:اومني گروپ پوڻان4 ارب ۽ آصف زرداري جي اڪائونٽ ذريعي پوڻان ٻه ڪروڙ منتقل ٿيا

Related Articles

وفاقي حڪومت جو عوام کي آسرو، بجلي 10رپين تائين ڪرڻ جو اعلان

October 11, 2024

پاڪستان ۽ سعودي وچ ۾ سيڙپ لاءِ زراعت سميت مختلف شعبن ۾ معاهدن جون تياريون مڪمل

October 10, 2024

وڏي وزير مراد علي شاهه کي گرين پاڪستان انيشيٽو سميت اهم منصوبن تي عمل جي هدايت

September 30, 2024

اسلام آباد ( رپورٽر    سنڌسماءَچار) سمٽ بئنڪ جي جعلي اڪائونٽس اسڪينڊل ۾ انور مجيد جي اومني گروپ ۽ آصف زرداري جي ڪمپنين جي اڪائونٽس ذريعي 4 ارب 34 ڪروڙ 70 لک رپين جي غير قانوني طريقي سان منتقل ڪئي وئي، مني لانڊرنگ ڪيس ۾ رقم جي غير قانوني منتقلي بابت ايف آءِ اي پاران سپريم ڪورٽ ۾ جاچ جي اڳڀرائي ٿي آهي، رپورٽ ۾ چيو ويو آهي ته، زرداري گروپ آف ڪمپنيز ۽ اومني گروپ آف ڪمپنيز جي اڪائونٽس ذريعي 3 ارب  90 لک رپيا منتقل ڪيا ويا. سپريم ڪورٽ ۾ مني لانڊرنگ ڪيس جي شنوائي دوران فيڊرل انويسٽيگيشن اٿارٽي جي ڊي جي بشير ميمڻ جعلي اڪائونٽس ذريعي مني لانڊرنگ ڪيس جي جاچ رپورٽ سپيرم ڪورٽ ۾ پيش ڪئي.

سپريم ڪورٽ ۾ ڊي جي ايف آءِ اي بشير ميمڻ پاران پيش ڪيل رپورٽ جي انگن اکرن مطابق سمٽ بئنڪ جعلي اڪائونٽس اسڪينڊل ۾ آصف زرداري ۽ سندس ويجهي دوست انور مجيد جي اومني گروپ جي اڪائونٽس ذريعي 4 ارب 34 ڪروڙ 70 لک رپيا مني لانڊرنگ ذريعي ڏيساور منتقل ڪيا ويا. سپريم ڪورٽ ۾ پيش ڪيل ايف آءِ اي جي رپورٽ ۾ ۾ چيو ويو آهي ته، انور مجيد جي اومني گروپ کي 3 ارب 90 لک رپيا غير قانوني طريقي سان رقم منتقل ٿي. رپورٽ موجب اڳوڻي صدر ۽ پ  پ پ جي شريڪ چيئرمين آصف زرداري جي ذاتي اڪائونٽ ۾ هڪ ڪروڙ 88 لک رپيا جمع ڪرايا ويا. آصف زرداري ان رقم جي سندس اڪائونٽ ۾ منتقلي بابت ڪڏهن به ڪا شڪايت نه ڪئي هئي.