سنڌسماءَچار
Related Articles
ڪنڌڪوٽ (رپورٽر سنڌسماءَچار) ڪنڌڪوٽ ڀرسان اوڏو ڍنڍ ۾ ٻيڙي اونڌي ٿيڻ جي نتيجي ۾ 2 عورتون ٻڏي فوت ۽ 4 کان وڌيڪ ماڻهو بيهوش ٿي ويا. ڪنڌڪوٽ جي ڳوٺ بالاچ ڀنگوار ۾ لاباري کان واپس ايندي ڳوٺاڻن جي ٻيڙي اوڏو ڍنڍ ۾ اونڌي ٿيڻ جي نتيجي ۾ 2 عورتون 50 ورهين جي حبيبان ڀنگوار ۽ 26 ورهين جي مڪه خاتون ٻڏي فوت ٿي ويون، جن جا لاش ڪڍيا ويا. ٻيڙي اونڌي ٿيڻ جي نتيجي ۾ ٻن عورتن سميت 4 کان وڌيڪ ماڻهو بيهوش ٿي ويا. ٻيڙي اونڌي ٿيڻ جو اطلاع ملڻ تي ڳوٺاڻن پهچي فوتي عورتن جا لاش ۽ بيهش ٿي ويل ماڻهن کي ڪڍي اسپتال منتقل ڪيو. اسپتال ۾ بيهوش ماڻهن کي طبي امداد ڏني وئي، جڏهن قانوني ڪارروائي بعد فوتي عورتن جا مڙهه وارثن جي حوالي ڪيا ويا.
