سنڌسماءَچار
Related Articles
اربين رپين جي مالي گهوٻين ۾ ملوث بلوچستان جي ناڻي کاتي بابت اڳوڻي صلاحڪار خالد لانگو، سيڪريٽري مشتاق رئيساڻي ۽ ٺيڪيدار سهيل مجيد تي فرد جرم لاڳو ڪيو ويو آهي، جڏهن ته ڪيس جي ٻڌڻي 22 مارچ تائين ملتوي ڪئي وئي آهي.
ڪوئٽا جي احتساب عدالت ۾ بلوچستان ميگا ڪرپشن ڪيس جي ٻڌڻي ٿي، نيب مالي گهوٽالي جي الزام هيٺ آيل بلوچستان جي ناڻي کاتي بابت اڳوڻي صلاحڪار خالد لانگو، سيڪريٽري مشتاق رئيساڻي ۽ ٺيڪيدار سهيل مجيد کي عدالت آڏو پيش ڪيو.
احتساب عدالت جي جج جوابدارن کي مٿن لاڳايل الزامن جا تفصيل پڙهي ٻڌايا، جن کي جوابدارن مڃڻ کان انڪار ڪري ڇڏيو.
جوابدارن پاران ڏوهه مڃڻ کان انڪار بعد مٿن فرد جرم لاڳو ڪندي ڪيس جي ٻڌڻي 22 هين مارچ تائين ملتوي ڪري ڇڏي آهي.
