سنڌسماءَچار
Related Articles
سنڌ جي وڏي وزير سيد مراد علي شاهه انڪشاف ڪيو آهي ته، جهانگارا ۾ قتل ٿي ويل مئٽرڪ جي شاگردياڻي تانيا خاصخيلي جي قتل واري معاملي جون خبرون ميڊيا ۽ عوامي رابطن جي گروپس تي هلڻ سبب جوابدار لڪي ويا، جن کي گرفتار ڪرڻ ۾ ڏکيائيون پيش اچي رهيون آهن.
سيد مراد علي شاهه اهڙو اظهار جهانگارا ۽ دادو ۾ ميڊيا ساسن ڳالهائيندي ڪيو. مراد علي شاهه چيو ته تانيا خاصخيلي جي قتل ۾ ملوث مک جوابدار جلد گرفتار ڪيا ويندا. هن چيو ته اصل ۾ معاملو ميڊيا خراب ڪري ڇڏيو، قتل واري واقعي جون خبرون ميڊيا تي هلڻ سبب جوابدارن کي خبر پئجي وئي ۽ هُو لڪي ويا، جن کي گرفتار ڪرڻ ۾ ڏکيائيون پيش اچي رهيون آهن پر جلد کين سوگهو ڪيو ويندو.
سيد مراد علي شاهه چيو ته جوابدار ڪيترا به بااثر ڇو نه هجن پر انهن کي قانون جي ڪٽهڙي ۾ ضرور بيهاريو ويندو.
