سنڌسماءَچار
Related Articles
اسلام آباد ( سنڌسماءَچار مانيٽرنگ ڊيسڪ ) ”جسٽس قاضي فائز عيسيٰ؛ وزيراعظم عمران خان خلاف ڪنهن به ڪيس جي شنوائي نه ڪري، ڇو ته هن جو وزيراعظم خلاف ڪيس داخل ڪيل آهي“. سپريم ڪورٽ وزيراعظم عمران خان خلاف پارليامينٽيرينز کي ترقياتي فنڊز ڏيڻ بابت جاري ڪيل لکت وارو فيصلو، چيف جسٽس، جسٽس گلزار احمد پاران 5 صفحن تي لکيل فيصلي ۾ چيو ويو آهي ته، غيرجانبداري جي اصولن کي نظر ۾ رکندي ، جسٽس قاضي فائز عيسيٰ کي وزيراعظم عمران خان خلاف ڪنهن به ڪيس جي شنوائي نه ڪري. چيف جسٽس فيصلي ۾ لکيو آهي ته ، جسٽس قاضي فائز عيسيٰ اڻسڃاتل ذريعي کان واٽس ايپ تي آيل پيغام جو حوالو ڏنو، اهي دستاويز هن ججز ۽ اٽارني جنرل کي به فراهم ڪيا، پر جسٽس قاضي فائز عيسيٰ کي پاڻ کي به انهن دستاويزن جي اصل هئڻ جي پڪ نه هئي، اٽارني جنرل به انهن دستاويزن بابت چيو ته، انهن دستاويزن جي متند هجڻ تي سواليا نشان آهي، اٽارني جنرل اُهي دستاويز عدالتي رڪارڊ جو حصو نه بڻائڻ جي به درخواست ڪئي. سپسريم ڪورٽ جي فيصلي ۾ چيو ويو هي ته جيڪڏهن ڪو جج پاڻ شڪايت ڪندڙ هجي ته مناسب نه ٿو لڳي هو اهڙو ڪيس ٻڌي جڏهن ته جسٽس قاضي فائز عيسي وزيراعظ۾ خلاف هڪ درخواست پڻ داخل ڪري چڪو آهي، انڪري انصاف جي گهرج اها آهي ته هُو هي ڪيس نه ٿو ٻڌي سگهي ۽ وزيراعظم خلاف ڪو به ڪيس کيس نه ٻڌڻ گهرجي.
https://www.sindhsamaachar.com/ur/%d8%ae%d9%8a%d8%b1%d9%be%d9%88%d8%b1-%d8%ac%d9%88-%d8%a8%d8%a7%d8%a7%d8%ab%d8%b1-%d8%a8%d9%84%da%8a%d8%b1-%d8%ae%d9%84%d8%a7%d9%81-%d8%a7%d9%86%d8%aa%d8%b8%d8%a7%d9%85%d9%8a%d8%a7-%d8%b9%d8%af%d8%a7/
