سنڌسماءَچار
Related Articles
اسلام آباد ( خاص نمائندو سنڌسماءَچار) وزيراعظم عمران خان چيو آهي ته جولاءِ کان آگسٽ تائين ڪرونا جي پکڙجڻ جو زور چوٽ چڙهيل هوندو، لاڪ ڊائون سان ڪرونا تي ضابطو نه ٿو آڻي سگهجي، عوام کي پاڻ احتياط ڪرڻو پوندو. قوم لاءِ رڪارڊ ڪري ٽي وي چئنلز تي نشر ڪيل پنهنجي وڊيو پيغام ۾ وزيراعظ۾ عمران خان چيو ته، عوام ڪورونا وائرس کي سنجيده نه ورتو ته ملڪ کي نقصان پهچندو، عمران خان چيو ته ڪرونا وبا کان بچاءَ لاءِ احتياط نه ڪيو ويو ته ڏکيا ڏينهن ايندا، جيڪڏهن احتياط ڪيو ويو ته پاڪستان تباهي کان بچي سگهي ٿو. وزيراعظم عمران خان چيو ته لاڪ ڊائون سان ڪورونا ختم نه پکڙجڻ گهٽجندو آهي، خبر آهي ته ڪورونا جي وبا اڃا وڌي پکڙجندي، پر لاڪ ڊائون سان ان تي ضابطو نه ٿو آڻي سگهجي ۽ لاڪ ڊائون سبب غريب طبقو ڏکيو وقت گذاري رهيو آهي. وزيراعظم چيو ته سڄي دنيا لاڪ ڊائون کولي ڇڏيو آهي، آمريڪا ۾ به ايس او پيز تحت ملڪ کوليو ويو. آمريڪا ۾ ڪرونا سبب هڪ لک ماڻهو فوت ٿي چڪا آهن،عوام ڪورونا وائرس کي سنجيده نه ورتو ته ملڪ کي نقصان پهچندو.
http://www.sindhsamaachar.com/ur/%d8%b4%d8%a7%d9%87%d9%87-%d9%84%d8%b7%d9%8a%d9%81-%d9%8a%d9%88%d9%86%d9%8a%d9%88%d8%b1%d8%b3%d9%bd%d9%8a-%d8%ac%d9%8a-%d8%b4%d8%a7%da%af%d8%b1%d8%af-%d9%85%d9%bf%d8%a7%d9%86-%d9%82%d8%aa%d9%84-%da%aa/
