سنڌسماءَچار
Related Articles
سموري سنڌ جيان ڪراچي شهر ۾ قهر جي گرمي،24 ڪلاڪن ۾ 90 ماڻهو فوت
ڪراچي(اسٽاف رپورٽر سنڌسماءَچار) سموري سنڌ جيان راڄڌاني شهر ڪراچي ۾ گذريل ٽين ڏينهن کان پارو چوٽ چڙهيل آهي، مختلف سماجي تنظيمن پاران دعويٰ ڪئي وئي آهي ته گذريل24ڪلاڪن دوران مختلف سرد خانن ۾ 90 لاش آندا ويا آهن. ڪراچي ۾ سخت گرمي ۽ سامونڊي هوائون بند هجڻ ڪري ٻوسٽ ۽ تاءُ تمام گهڻو محسوس ڪئي پئي وڃي. ڪراچي ۾ سترهين جولاءِ تي پارو42سينيٽي گريڊ رڪارڊ ڪئي وئي، سامونڊي هوائون بند هجڻ ڪري ٻوسٽ ۽ تاءُ سبب گرمي50سينيٽي گريڊ کان وڌيڪ محسوس ڪئي وئي، سخت گرمي باوجود شهر جي اڪثر علائقن ۾ لوڊشيڊنگ به شهرين جو جيئڻ جنجال بڻائي ڇڏيو آهي. ٻئي پاسي سکر، لاڙڪاڻو، ۽ شهيد بينظير آباد ڊويزنن جي سمورن ننڍن وڏن شهرن ۽ ڳوٺن ۾ به سخت گرمي سبب ماڻهو پريشان آهن. سخت گرمي باوجود زرعي ۽ پيئڻ جي پاڻي جي تمام گهڻي کوٽ زراعت ۽ عام زندگي متاثر ڪري ڇڏي آهي.
