سنڌسماءَچار
Related Articles
مرتضيٰ وهاب سان ملاقات ڪندڙ صوبائي ڪابينا جا ميمبر، ڪامورا، صحافي ۽ سندس دوست پريشان
ڪراچي(رپورٽ آفاق ڀٽي سنڌسماءَچار) سنڌ حڪومت جو ترجمان به ڪرونا ۾ مبتلا ٿي ويو آهي، وائرس جي تصديق کانپوءِ هن پاڻ کي گهر اندر ئي آئسوليٽ ڪري ڇڏيو آهي. سنڌ حڪومت جي ترجمان مرتضيٰ وهاب جي ڪرونا ٽيسٽ پازيٽو اچي وئي آهي، مرتضيٰ وهاب چيو آهي ته گذريل ڪجهه ڏينهن کان سندس طبعيت خراب هئي، هن رونا ٽيسٽ ڪرائي جيڪا پازيٽو آئي آهي. مرتضيٰ وهاب جي ٽيسٽ پازيٽو اچڻ بعد پاڻ کي گهر اندر آئسوليٽ ڪري ڇڏيو. سنڌ حڪومت جي ترجمان مرتضيٰ وهاب جي ڪرونا ٽيسٽ پازيٽو اچڻ کانپوءِ سنڌ ڪابينا جا ڪجهه وزير، صلاحڪار، ڪامورا پريشان ٿي ويا آهن جيڪي گذريل ڪجهه ڏينهن دوران مرتضيٰ وهاب سان ملاقات ڪندا رهيا آهن. سنڌ حڪومت جي ترجمان سان ملاقات ڪندڙ صحافين ۾ به پريشاني جي لهر ڇائنجي وئي آهي.
