سنڌسماءَچار
Related Articles
نوابشاهه ( سنڌ سماءَ چار مانيٽرنگ ڊيسڪ) جي يو آءِ سنڌ جي صدر راشد محمود سومرو چيو آهي ته، سنڌ حڪومت هڪ ڪمپني هلائي رهي آهي پر اها خبر نه ٿي پوي ته اها ڪمپني هلائي ڪير ٿو، جلد ان کي به ڳولهي لهنداسين. نوابشاهه ۾ جلسي کي خطاب ڪندي راشد محمود سومرو چيو ته، جيڪا پارٽي ڪراچي ۾ سنڌ جي استادن ۽ آبادگارن کي ڪراچي ۾ احتجاج جو حق ڏيڻ لاءِ به ناهي، اها جمهوريت جي دعوا ڪهڙي منهن سان ڪري رهي آهي. هن چيو ته استادن ۽ آبادگارن جا مطالبا نه مڃيا ويا ته هنن سان گڏجي وزيراعليٰ هائوس آڏو ڌرڻو هڻنداسين. راشد محمودسومرو چيو ته سنڌ ۾ هڪ پرائيويٽ ڪمپني حڪومت هلائي رهي آهي پر خبر نه ٿي پوي ته ان ڪمپني کي ڪير هلائي رهيو آهي، پر اسان جلد ڪمپني هلائڻ وارن کي به بڳولهي عوام آڏو پڌرو ڪنداسين. هن چيو ته بلاول جڏهن ملتان ۾ تقرير ڪري ٿو چوي ٿو ته آباد گارن کي حق وٺي ڏيندس، پر سنڌ جي ڪمند جي آبادگارن کي حق ڏيڻ بجاءِ لٺيون هنيون ٿيون وڃن.
