سنڌسماءَچار
Related Articles
خواهش آهي ته ايم ڪيو ايم اسان کي ڀاڪر ۾ ڀري وٺي ۽ سنڌ حڪومت ۾ شامل ٿي وڃي:پيپلزپارٽي
ڪراچي ( رپورٽ: اصغر آزاد سنڌسماءَچار) پاڪستان پيپلزپارٽي هڪ ڀيرو ٻيهر متحدا قومي موومينٽ وٽ پهچي وئي، تاج حيدر ۽ سعيد غني جي اڳواڻي ۾ ايم ڪيو ايم جي مرڪز پهچي متحدا کي سنڌ حڪومت ۾ شامل ٿيڻ جي دعوت ڏئي ڇڏي. سنڌ جي حڪمران جماعت ۽ اپوزيشن جي اتحاد پاڪستان ڊيموڪريٽ موومينٽ جي اهم اتحادي پارٽي پاڪستان پيپلزپارٽي هڪ ڀيرو ٻيهر ايم ڪيو ايم پاڪستان ڏانهن دوستري جو هٿ وڌائي ڇڏي آهي. پيپلزپارٽي جي سينئير اڳواڻ ۽ پ پ پ سنڌ جي جنرل سيڪريٽري تاج حيدر، صوبائي وزير سعيد غني ۽ سنڌ حڪومت جي ترجمان مرتضيٰ وهاب جي اڳواڻي ۾ وفد متحده پاڪستان جي بهادر آباد مرڪز پهچي متحده پاسڪتان جي اڳواڻن خواجه اظهار الحسن، فيصل سبزواري، جاويد حنيف ۽ ٻين سان ملاقات ڪئي، ملاقات دوران پ پ اڳواڻن ايم ڪي ايم کي سنڌ حڪومت ۾ شامل ٿيڻ جي دعوت ڏني، ملاقات دوران ڪراچي ۾ پيپلز پارٽي ۽ متحده وفد وچ ۾ آدمشماري سميت صوبي جي مسئلن تي ڳالهيون جاري رکڻ تي اتفاق ڪيو.
ملاقات کان پوءِ ميڊيا سان ڳالهائيندي چيو ته ايم ڪيو ايم ۽ پ پ جو ٻيٽن، ميڊيڪل ۾ داخلائن ۽ گذريل آدمشماري جي معاملن تي ساڳيو ئي موقف آهي، تاج حيدر چيو ته ڪراچي ۾ ٽئين ڌُر کي مڙهيو ويو آهي، ڇهين آدمشماري ۾ سنڌ جي هڪ ڪروڙ چاليهه لک آبادي گهٽ ڏيکاري وئي، ٻيٽن جي مامري تي پ پ ۽ متحده جو موقف ساڳيو آهي، متحده اڳواڻ فيصل سبزواري چيو آهي ته پ پ سان ملاقات دوران عوام جا مسئلا حل ڪرڻ تي ڳالهيون ٿيون، اُميد ته عدالت سوڌو ٻين فورمز تي آدمشماري جي نتيجن خلاف ويڙهه ۾ پيپلز پارٽي اسان جو ساٿ ڏين، وڏي وزير مراد علي شاهه کي آدمشماري وارو مسئلو گڏيل مفادن واري ڪائونسل ۾ اٿارڻ گهرجي.
http://www.sindhsamaachar.com/ur/%d9%be%d9%8a%d9%be%d9%84%d8%b2%d9%be%d8%a7%d8%b1%d9%bd%d9%8a-%d8%ac%d9%8a-%d8%b3%d9%8a%d9%86%d8%a6%d8%b1-%d8%a7%da%b3%d9%88%d8%a7%da%bb%d9%86-%d8%a7%d8%b3%d8%aa%d8%b9%d9%8a%d9%81%d9%8a%d8%a7%d8%a6/
http://www.sindhsamaachar.com/ur/%d9%84%d9%85%d8%b3-%da%84%d8%a7%d9%85%d8%b4%d9%88%d8%b1%d9%88-%db%be500-%da%a9%d8%a7%d9%86-%d9%88%da%8c%d9%8a%da%aa-%d9%85%d9%84%d8%a7%d8%b2%d9%85%d9%86-%d8%ac%d9%8a-%d8%ba%d9%8a%d8%b1%d9%82%d8%a7/
