سنڌسماءَچار
Related Articles
سنڌ زرعي يونيورسٽي ٽنڊو ڄام جي انتظاميا لاپرواهي ۽ نااهلي جون حدون پار ڪري ڇڏيون آهن، يونيورسٽي ۾ سال 2016 ۽ 2017 جي لاءِ مختلف شعبن ۾ داخلائن لاءِ پري انٽري ٽيسٽ وٺڻ لاءِ امتحاني سينٽر تي جيڪو بئنر لڳايو آهي ان ۾، سنڌ کانسواءِ ملڪ جي ٻين صوبن يا شهرن کان آيل شاگردن لاءِ رهنمائي لاءِ بئنر لڳايو ويو. جنهن بئنر تي ڪراچي کي به سنڌ کان ٻاهر جي شهرن واري فهرست ۾ شامل ڪيو ويو. يونيورسٽي انتظاميا جي اهڙي لاپرواهي تي اتحاني سينٽر تي موجود شاگردن احتجاج رڪارڊ ڪرايو ته يونيورسٽي انتظاميا کين پيپر ۾ وهڻ جي اجازت نه ڏيڻ جون ڌمڪيون ڏئي خاموش ڪرايو، ڪجهه شاگردن کان موبائل ۾ ڪڍيل تصويرون به ختم ڪرايون.
سنڌ زرعي يونيورسٽي جو وائيس چانسلر،، سنڌ جو وقتي گورنر ۽ يونيورسٽيز جو چانسلر به هن معاملي تي خاموش آهي ۽ نه ئي وري سنڌ حڪومت ان معاملي جو ڪو نوٽيس ورتو آهي. سنڌ اسيمبليءَ ۾ “ڪراچي اور سنڌ” تي گوڙ ڪندڙ سنڌ اسيمبلي جا سمورا ميمبر به خاموش تماشائي بڻيل آهن.
