سياري جو مينهن: ٽائون ڪميٽي پڪاچانگ جي ماهوار70لک بجيٽ پڌري ٿي پئي
Asghar Azad
January 21, 2019
Uncategorized, سنڌ
1,075 Views
ٽائون ڪميٽي جا چونڊيل عوامي نمائندا ۽ انتظاميا شهر کي بهتر سيوريج نظام به نه ڏئي سگهي
پڪاچانگ(رپورٽر سنڌسماءَچار) خيرپور ضلعي جي تعلقي فيض گنج جو هيڊڪوارٽر ۽ تاريخي شهر پڪاچانگ ۾ ٽائون ڪميٽي پاران ڪرايل ترقياتي ڪم پڌرا ٿي پيا آهن، سياري جي پهرين مينهن دوران شهر جي اڪثر روڊن، گهٽين ۽ مک چوڪ تي مينهن جو پاڻي بيهجي ويو. 50 هزار کان لوڌيڪ آبادي وري شهر ۾ ٽائون ڪميٽي پاران سيوريج جو نظام بهتر نه ڪري سگهڻ سبب شهر گندي پاڻي جي ورچڙهي ويو آهي، اڳ ۾ ئي صفائي سٿرائي نه هجڻ ۽ وري مينهن پوڻ کان پوءِ 70 لک رپين جي ماهوار بجيٽ واري ٽائون ڪميٽي ۾ ترقياتي ڪمن جون دعوائون ڪندڙ عوامي نمائندن جا اڇا چٺا پڌرا ڪري ڇڏيا آهن. ٽائون انتظاميا ۽ مڪاني ادارن جي چونڊيل نمائندن شهر ۾ گندي پاڻي جي نڪيال جو به بهترنظام نه جوڙي سگهيا آهن، جنهن جي نتيجي ۾ شهري عذاب واري زندگي گذارڻ تي مجبور آهن.
سنڌسماءَچار
