Thursday , April 24 2025

سيپڪو لاءِ بجلي جي 120 ڪي وي جي نئين گرڊ اسٽيشن قائم ٿيندي

sepcoMono

اسلام آباد: ايڪنڪ پاران سکر اليڪٽرڪ پاور ڪمپني (سيپڪو) سکر ۽ لاڙڪاڻو ڊويزنن ۾ بجلي جي فراهمي کي وڌيڪ بهتر ڪرڻ لاءِ نئين گرڊ اسٽيشن قائم ڪرڻ ججي منظوري ڏني وئي آهي. وزيراعظم جي صدارت هيٺ ٿيل ايڪنڪ اجلاس ۾ توانائي، ترقياتي ۽ مواصلات سميت 9 منصوبن جي منظوري ڏني وئي آهي.

وزيراعظم آفيس ۾ وزيراعظم شاهد خاقان عباسي جي صدارت هيٺ ايڪنڪ جو پهريون اجلاس ٿيو. اجلاس ۾ سيپڪو جي بجلي ورهاست جي منصوبي جي منظوري ڏني وئي ۽ سيپڪو کي 120 ڪي وي جي  نئين گرڊ اسٽيشن قائم ڪرڻ جي منظوري ڏني وئي. ذريعن موجب، سيپڪو جي انرجي لاس ۾ گهٽتائي لاءِ جديد منصوبن جي منظوري ڏني وئي. ذريعن موجب، اجلاس ۾ وزيراعظم قومي هيلٿ پروگرام کي سڄي ملڪ تائين وڌائڻ جي به منظوري ڏني، جڏهن ته  چترال گرم چشمي دهرا روڊ جي تعمير واري منصوبي ۽ لاهور – سيالڪوٽ موٽر وي کي تعمير ڪرڻ لاءِ نئون مالي پلان به منظور ڪيو ويو.

ايڪنڪ اجلاس ۾ پنڊي گهيب ڪوهاٽ روڊ منصوبي کي به منظور ڪيو ويو. بنون جي پراڻي روڊ منصوبي کي ٻيهر تعمير ڪرڻ جي به منظوري ڏني وئي. اجلاس ۾ توانائي، مواصلات ۽ انفرااسٽرڪچر جي نون منصوبن جي منظوري ڏني وئي.

About Asghar Azad

Check Also

صدر آصف زرداري جي طبيعت خراب، نجي اسپتال داخل، دبئي منتقل ڪرڻ جو امڪان، اسپتال جي سيڪيورٽي سخت

آصف زرداريءَ کي دبئي منتقل ڪرڻ بابت خانداني فردن حتمي فيصلو ناهي ڪيو، پر آصف …

Leave a Reply

Your email address will not be published. Required fields are marked *