Tuesday , April 1 2025
Breaking News

عورتن خلاف گٿا لفظ ڳالهائڻ تي قومي اسيمبلي ۾ راڻا ثناءُ الله خلاف ٺهراءَ منظور

اسلام آباد( رپورٽر   سنڌسماءَچار) قومي اسيمبلي عورتن خلاف غلط ٻولي استعمال ڪرڻ تي وفاقي وزيرن خلاف گڏيل طور مذمتي ٺهراءُ منظور ڪري ورتو،  اسپيڪر اياز صادق چيو آهي ته عورت ماءُ ۽ ڀيڻ به هوندي آهي، اسان هميشه عورتن جو احترام ڪريون ٿا، جيڪو عورتن جو احترام نٿو ڪري ان جي مذمت ڪيون ٿا. اسپيڪر اياز صادق جي صدارت هيٺ قومي اسيمبلي جو اجلاس ٿيو جنهن ۾ اپوزيشن ليڊر خورشيد شاهه بجيٽ تي بحث ڪرڻ کان اڳ راڻا ثناءُ الله ۽ عابد شير علي طرفان عورتن خلاف چيل لفظن وارو معاملو  اٿاريو. اجلاس ۾ پي ٽي آءِ ميمبر شيرين مزاري عورتن خلاف غلط لفظ ٻولي استعمال ڪرڻ تي مذمتي ٺهراءُ پيش ڪيو جنهن کي اڪثريت راءِ سان منظور ڪيو ويو. اجلاس ۾ ڳالهائيندي اسپيڪر اياز صادق چيو ته عورت ماءُ ۽ ڀيڻ به هوندي آهي، اسان هميشه عورتن جو احترام ڪريون ٿا، جيڪو عورتن جو احترام نٿو ڪري ان جي مذمت ڪيون ٿا.ٺهراءَ بعد اجلاس ۾ خطاب ڪندي اپوزيشن ليڊر خورشيد شاهه چيو ته وفاقي سرڪار پاران پيش ڪيل بجيٽ غيرآئيني آهي ان کي رد ڪريون ٿا.

About Asghar Azad

Check Also

سياسي ۽ عسڪري قيادت جو نيشنل ايڪشن پلان تي ڀرپور نموني عمل ڪرڻ تي اتفاق

ملڪ ۾ دهشتگردي، خارجين ۽ ادارن سميت اهم قومي معاملن خلاف پروپئگنڊا خلاف نيشنل ايڪشن …

Leave a Reply

Your email address will not be published. Required fields are marked *