Monday , April 21 2025
Breaking News
وزيراعظم عمران خان، شاهه محمود قريشي ۽ جهانگير ترين - سنڌسماءَچار - فائلز

ملڪ ۾ اٽي کنڊ جي بحران مان فائدو حاصل ڪندڙن ۾ جهانگير ترين سڀني کان اڳتي

کنڊ بحران مان جهانگير ترين، خسرو بختيار، چوڌري مونس الاهي ۽ غلام دستگير به شامل

اسلام آباد ( خاص نمائندو  سنڌ سماءَ چار) ملڪ ۾ کنڊ ۽ اٽي جي بحران مان ڦائدو حاصل ڪندڙ ۾ ڪپتان جي ٽيم سڀني کان وڌيڪ فائدو حاصل ڪندڙ ۾ شامل، بحران ۾ فائدو وٺڻ کانپوءِ کنڊ تي سبسڊي ۾ ۾ به ڪروڙين رپين جو فائدو حاصل ڪيو. گذريل سال نومبر ۽ ڊسممبر مهينن دوران ملڪ ۾ پيدا ٿيل اٽي ۽ کنڊ جي بحران جي جاچ لاءِ وزيراعظم جي هدايتن تي وفاقي تحقيقتي اداري ڊائريڪٽر جنرل ايف آءِ اي جي سربراهي ۾ جوڙيل جا مک جي جاچ رپورٽ منظر تي اچي وئي آهي، ڊي جي ايف آءِ  رپورٽ وزيراعظم کي پيش ڪري ڇڏي آهي. رپوٽ ۾ چيو ويو آهي ته، بحران دوران پرڏيهه مان کنڊ گهرائڻ ۽ حڪومت پاران سبسڊي مان فائدو حاصل ڪندڙڻ ۾ جهانگير ترين پهرين نمبر تي آهي، جنهن جي گروپ سبسڊي ۽ کنڊ امپورٽ ڪرڻ ٻنهي ۾ مالي فائدو حاصل ڪيو. جاچ ڪميٽي پنهنجي رپورٽ ۾ چيو آهي ته، ملڪ ۾ کنڊ جي  بحران ۽ ان جي اگهن ۾ واڌ، 2018 دوران کنڊ ايڪسپورٽ ڪرڻ جي اجازت ڏيڻ ۽ ان جي ئي نتيجي ۾ پنجاب حڪومت پاران ٽي ارب رپين جي سبسڊي ڏيڻ ئي بحران جو اصل ڪارڻ آهي.

ايف آءِ اي جي جاچ رپورٽ ۾ چيو ويو آهي ته، کنڊ امپورٽ ڪندڙن آر واءِ گروپ 4 ارب رپيا، جهانگير ترين جي گروپ 3 ارب رپين کان وڌيڪ جي سبسڊي حاصل ڪري پنهنجي مختلف ڪمپنين کي مالي فائدو پهچايو. هنزه گروپ 2 ارب 80 ڪروڙ رپيا، فاطما گروپ 2 ارب 30 ڪروڙ رپيا، سبسڊي حاصل ڪئي، شريف گروپ کي به هڪ ارب 40 ڪروڙ رپين جو فائدو ڏنو ويو. کنڊ بحران ۽ سبسڊي مان فائدو حاصل ڪندڙن ۾ وفاقي وزير خسرو بختيار، قاف ليگ جو اڳواڻ ۽ ايم اين حڪومتي اتحاد ۾ شامل چوڌري مونس الاهي، نون ليگ جو اڳوڻو ميمبر صوبائي اسيمبلي پنجاب غلام دستگير، خسرو بختيار جو ڀاءُ ۽ ٻيا شامل آهن.

About Asghar Azad

Check Also

صدر آصف زرداري جي طبيعت خراب، نجي اسپتال داخل، دبئي منتقل ڪرڻ جو امڪان، اسپتال جي سيڪيورٽي سخت

آصف زرداريءَ کي دبئي منتقل ڪرڻ بابت خانداني فردن حتمي فيصلو ناهي ڪيو، پر آصف …

Leave a Reply

Your email address will not be published. Required fields are marked *