Tuesday , April 1 2025
Breaking News

نئون ديرو ۾ هٿياربندن جي فائرنگ، 2 ڄڻا مارجي ويا

لاڙڪاڻو( رپورٽر    سنڌسماءَچار) نئون ديرو ويجهو هٿياربندن جي ڪار تي فائرنگ جي نتيجي ۾2 ڄڻا مارجي ويا، واقعي بعد جوابدار فرار ٿي ويا آهن. ڳوٺ راهوجا وٽ موٽر سائيڪل سوار هٿياربندن ڪار تي فائرنگ ڪري ڏني، جنهن  جي نتيجي ۾2 ڄڻا  اسلم چانڊيو ۽ سندس ڊرائيور گلشير چانڊيو ٿڏي تي مارجي ويا. اطلاع تي ڪيٽي ممتاز ۽ نئون ديرو ٿاڻن جي پوليس پهچي مارجي ويلن جا لاش تحويل ۾ وٺڻ بعد نئون ديرو اسپتال منتقل ڪيا، جتان ضروري ڪارروائي کانپوءِ مڙهه وارثن حوالي ڪيا ويا. مارجي ويلن جي وارثن جو چوڻ آهي ته اسلم چانڊيو ڳوٺ جهان خان ککراڻي ۾ شادي جي تقريب ۾ شرڪت ڪرڻ کانپوءِ ڪار ۾ واپس ڳوٺ اچي رهيو هو ته ٻن موٽر سائيڪل سوار هٿياربندن مٿس حملو ڪري ڪار تي فائرنگ ڪئي، جنهن جي نتيجي ۾ ٻئي ڄڻا مارجي ويا. مقتول اسلم چانڊيو بابت چيو پيو وڃي ته هو قتل، ڌاڙن ۽ ڦرن جي ڪيسن ۾ سزا ڪاٽڻ بعد تازو جيل مان آزاد ٿي آيو هو.

About Asghar Azad

Check Also

سموري سنڌ ۾ پاڻي جي کوٽ، ٺٽي ۾ پيئڻ جو پاڻي اڻلڀ ٿيڻ لڳو، 6ڪئنالن خلاف سنڌ سراپا احتجاج بڻيل

سموري سنڌ ۾ پاڻي جي شديد کوٽ، بيٺل فصل سڪڻ لڳا، ٺٽي ضلعي ۾ پيئڻ …

Leave a Reply

Your email address will not be published. Required fields are marked *