سنڌسماءَچار
Related Articles
اسلام آباد(خاص نمائندو سنڌسماءَچاي) نون ليگ جي اڳواڻن نيب جي قانونن کي ڪارو قانون قرار ڏيندي انهن جي خاتمي جو مطالبو ڪري ڇڏيو، شاهد خاقان ۽ ٻين اسلام آباد ۾ پريس ڪانفرنس ڪندي چيو آهي ته نيب کي سياست ڪنٽرول ڪرڻ لاءِ استعمال ڪيو پيو وڃي، نيب قانون جي خاتمي لاءِ سمورين سياسي جماعتن کي اڳتي اچڻ گهرجي، راڻا ثناءُ الله چيو آهي ته جڏهن ڊي جي نيب هلندڙ جاچ بابت ٽي وي تي اچي ڳالهائيندو ته پوءِ شفاف جاچ ڪيئن ٿي سگهندي.
ن ليگ ڊي جي نيب لاهور جَي ٽي وي انٽرويوز خلاف قومي اسيمبلي ۾ استحقاق واري رٿ جمع ڪرائي ڇڏي، پيپلزپارٽي پاران استحقاق واري رٿ جي حمايت ۽ حڪومت مخالفت ڪري ڇڏي، اسپيڪر رٿ کي ضابطن موجب قرار ڏئي ڇڏيو، نويد قمر چيو ته ميمبرن جي ميڊيا ٽرائل جي اجازت ڏني وئي ته ڪيترائي رڪارڊ ٽٽندا، فواد چوڌري اپوزيشن جي رٿ کي نيب جي جاچ تي اثرانداز ٿيڻ جي ڪوشش قرار ڏئي ڇڏيو.
