Tuesday , April 1 2025
Breaking News

نيب هيڊڪوارٽرز لاهور کي ڌماڪي سان اڏائڻ جي ڌمڪي، ڊڄڻ وارو ناهيان: نيب چيئرمين

لاهور (سنڌسماءَچار   مانيٽرنگ ڊيسڪ) نيب چيئرمين جسٽس رٽائرڊ جاويد اقبال چيو آهي ته نيب هيڊ ڪوارٽر کي ڌماڪي سان اڏائڻ جي ڌمڪي ملي آهي، زندگي موت الله جي هٿ ۾ آهي اسان ڪنهن کان به ڊڄڻ وارا نه آهيون، ڪرپشن خلاف بنا ڪنهن فرق جي جهاد جاري رکيو ويندو.

 لاهور ۾ نيب ڪامپليڪس جي دوري دوران آفيسرن کي خطاب ڪندي نيب چيئرمين جسٽس رٽائرڊ جاويد اقبال چيو ته ڪجهه ماڻهون چاهين ٿا ته نيب سياستدانن کي گرفتار ڪري جيئن اهي سياسي شهيد بڻجي وڃن. هن چيو ته نيب ڪنهن جي خواهش تي گرفتاريون نه ٿي ڪري، سمورن ڪيسز ۾ گرفتاريون ميرٽ تي ڪيون ويون آهن.سندس چوڻ هو ته ڪجهه ماڻهو نيب جي نوٽيس باوجود پيش نه ٿي رهيا آهن، ميگا ڪيسن جي فائيلز کي ٻاهر ڪڍيو ۽ ان ۾ بهترين اڳڀرائي به ڪئي وئي آهي. نيب چيئرمين جسٽس رٽائرڊ جاويد اقبال چيو ته نيب جو چونڊن سان ڪو به تعلق نه آهي، اسان جو مقصد رڳو ملڪ مان ڪرپشن  جو خاتمو آڻڻ آهي.

About Asghar Azad

Check Also

سموري سنڌ ۾ پاڻي جي کوٽ، ٺٽي ۾ پيئڻ جو پاڻي اڻلڀ ٿيڻ لڳو، 6ڪئنالن خلاف سنڌ سراپا احتجاج بڻيل

سموري سنڌ ۾ پاڻي جي شديد کوٽ، بيٺل فصل سڪڻ لڳا، ٺٽي ضلعي ۾ پيئڻ …

Leave a Reply

Your email address will not be published. Required fields are marked *