وفاقي حڪومت جو پهريون فيصلو، پيٽرول پوڻان 2 رپيا ۽ ڊيزل سوا 6 رپيا سستو ٿي ويو

اسلام آباد( رپورٽر سنڌسماءَچار) وفاقي سرڪار پيٽروليم شين جا اگهه گهٽائي ڇڏيا، پيٽرول جو نئون اگهه 92 رپيا 83 پئسا ٿي ويو آهي. ناڻي واري وزارت پاران جاري ڪيل بيان ۾ چيو ويو آهي ته پيٽروليم شين جي اگهن ۾ گهٽتائي جي منظوري ڏني وئي آهي. وفاقي سرڪار پاران پيٽرول 2 رپيا 41، هاءِ اسپيڊ ڊيزل 6 رپيا 37 پئسا ۽ گاسليٽ رڳو 46 پئسا في ليٽر سستو ڪيو ويو. پيٽروليم شين ۾ گهٽتائي بعد پيٽرول جو نئون اگهه 92 رپيا 83 پئسا، هاءِ اسپيڊ ڊيزل 106 رپيا 57 پئسا ۽ گاسليٽ 83 رپيا 50 پئسا في ليٽر ٿي ويو آهي. ناڻي واري وزارت موجب لائيٽ ڊيزل جي اگهه ۾ 59 پئسا في ليٽر واڌ ڪئي وئي آهي جنهن بعد ان جو نئون اگهه 75 رپيا 96 پئسا ٿي ويو. پيٽروليم شين جا نوان اگهه اڄ رات جو 12هين وڳي کان لاڳو ٿي ويا آهن.