Tuesday , April 1 2025
Breaking News

وفاقي حڪومت پاران احتساب جو نئون قانون آڻڻ جو فيصلو

اسلام آباد(سنڌسماءَچار مانيٽرنگ ڊيسڪ) قانون جي وفاقي وزير بيريسٽر فروغ نسيم چيو آهي ته ڪرپشن بابت نئون قانون آندو پيو وڃي،نئين قانون تحت ٽن ميمبرن تي ٻڌل ڪميشن قائم ڪئي ويندي. اسلام آباد ۾ پريس ڪانفرنس کي خطاب ڪندي قانون جي وزير چيو ته ملڪ مان ڪرپشن جو خاتمو ڪرڻ گهرون ٿا ۽ هر قسم جي ڪرپشن کي روڪڻ جي ضرورت آهي. هن چيو ته ڪرپشن جي خلاف قانون لاءِ مختلف تجويزن تي غور ٿي رهيو آهي، صلاح مشوري بعد  تجويزن تي عمل ڪيو ويندو. قانون جي وزير چيو ته ڪرپشن بابت نئين قانون تي ڪم جاري آهي، جنهن کي جلد پارليامينٽ ۾ پيش ڪيو ويندو. سمورين سياسي پارٽين کي خوش دلي سان قانون کي قبول ڪرڻ گهرجي ۽ ان معاملي تي سياست نه ٿيڻ گهرجي. سندس چوڻ هو ته ڪرپشن بابت معلومات ڏيندڙن کي ريڪوري جو 20 سيڪڙو حصو ڏنو ويندو. هن چيو ته وسل بلور ايڪٽ تيار ڪري ورتو آهي، جيڪو جلد پارليامينٽ ۾ پيش ڪيو ويندو.

About Asghar Azad

Check Also

سياسي ۽ عسڪري قيادت جو نيشنل ايڪشن پلان تي ڀرپور نموني عمل ڪرڻ تي اتفاق

ملڪ ۾ دهشتگردي، خارجين ۽ ادارن سميت اهم قومي معاملن خلاف پروپئگنڊا خلاف نيشنل ايڪشن …

Leave a Reply

Your email address will not be published. Required fields are marked *