سنڌسماءَچار
Related Articles
سکر(رپورٽر سنڌسماءَچار) پنوعاقل پوليس سوشل ويب سائيٽ تي پيپلزپارٽي خلاف تنقيدي پوسٽ رکڻ تان شهريءَ کي تشدد جو نشانو بڻائيندڙ 6 جوابدارن مان ٻن جوابدارن کي گرفتار ڪري ورتو آهي، جوابدارن تنقيدي پوسٽ رکڻ تي شهري لالو ميگهواڙ تي تشدد ڪيو هو، جيڪا وڊيو سوشل ميڊيا تي وائرل ٿي وئي هئي. گذريل ڏينهن سوشل ويب سائيٽ تي پيپلزپارٽي خلاف تنقيدي پوسٽ رکڻ تان شهريءَ کي تشدد جو نشانو بڻائڻ واري واقعي جو ايس ايس پي سکر پاران نوٽيس وٺڻ بعد پوليس 6 جوابدارن قدرت الله چاچڙ، صوبدار گڏاڻي، گڊو چاچڙ، ذيشان شيخ، يعقوب چاچڙ ۽ حسن خلاف ڪيس داخل ڪري ورتو آهي. پوليس موجب شهري تي تشدد ڪندڙ ٻن جوابدارن قدرت الله ۽ حسن گڏاڻي کي گرفتار ڪري لاڪ اپ ڪيو ويو آهي. واضح رهي ته جوابدارن گذريل ڏينهن تنقيدي پوسٽ رکڻ تان شهري لالو ميگهواڙ تي تشدد ڪيو هو، جيڪا وڊيو سوشل ميڊيا تي وائرل ٿي وئي هئي.
