سنڌسماءَچار
Related Articles
گهوٽڪي( خاص نمائندو سنڌ سماءَ چار) گهوٽڪي جي صوبائي تڪ پي ايس 7 تي ننڍي چونڊ ۾ فنڪشنل ليگ جي اميدوار ڀرچونڊي درگاهه جي پير کي پ پ اميدوار شڪست ڏئي ڇڏي آهي.
گهوٽڪي جي پي ايس 7 تي ٿيل ننڍي چونڊ جي غير سرڪاري ۽ غير حتمي نتيجن مطابق پيپلزپارٽي جو اميدوار عبدالباري پتافي 48 هزار 114 ووٽ کڻي ڪاميابي پنهنجي نالي ڪري ورتي آهي. پ پ جي مخالف فنڪشنل ليگ اميدوار ميان عبدالمالڪ عرف ميان مـُجـَن 36 هزار 982 ووٽ کڻي سگهيو آهي.
گهوٽڪي جي سڄاڻ ڌرين جو چوڻ آهي ته، پيپلز پارٽي جي کٽڻ جو اصل ڪارڻ انهن جي ڪارڪردگي نه پر، فنڪشنل ليگ پاران اميدوار جي سليڪشن مناسب نه هجڻ آهي. علائقي واسين موجب جيڪڏهن فنڪشنل ليگ جي ايندڙ عام چونڊن ۾ به اهڙي ئي سليڪشڻ رهي ته پوءِ پي ايس 7 تي سندن ڪاميابي جو ڪو به چانس نه ٿو لڳي.
