سنڌسماءَچار
Related Articles
سنڌو درياءَ ۾ پاڻي جو وهڪرو انتهائي درجي تائين گهٽجڻ ان سان گڏ سنڌ ۾ پاڻي جي کوٽ پنجاهه سيڪڙو تائين پهچڻ واري آهي، ان جي باوجود به پنجاب چشهما جهلم لنڪ ڪئنال ذريعي مسلسل پاڻي کڻي رهيو آهي، جنهن تي سنڌ حڪومت خاموشي اختيار ڪري ويٺي آهي
چشما جهلم لنڪ ڪئنال فائل فوٽ
ڪراچي (رپورٽ: اصغر آزاد سنڌسماءَچار) سنڌ ۾ پاڻي جي کوٽ ۽ ڏڪار جي صورتحال پيدا ٿيڻ واري آهي، پر پنجاب چشما جهلم لنڪ ڪئنال (فلڊ ڪئنال) ۾ پاڻي کڻي رهيو آهي، ڪوٽڙي بئراج وٽ پاڻي جو وهڪرو خطرناڪ حد تائين گهٽجي ويو، ڊائون اسٽريم ۾ صورتحال خطري جي گهنٽي وڄائي رهي آهي. سنڌو درياءَ ۾ پاڻي کوٽ پنجاهه سيڪڙو تائين پهچڻ کان ڪوٽڙي بيراج تي پاڻي جي کوٽ خَطرناڪ حَد تائين پھچي وَئي چڪي آهي، جنهن کانپوِءِ ڊائون اسٽريم ۾ پيئڻ جي پاڻي جي کوٽ به پيدا ٿي رهي آهي. پاڻي جي کوٽ سبب زراعت لاءِ ته پاڻي نه هجڻ جي برابر آهي، پر جانورن ۽ ٻين ساهه وارن لاءِ به پاڻي اڻلڀ ٿيڻ جو خدشو پيدا ٿي ويو آهي. سنڌو درياءَ ۾ پاڻي جي شديد کوٽ جي نتيجي ۾ ڪوٽڙي بئراج تي پاڻي جو وهڪرو نه هجڻ جي سطح تي پهچڻ ڪري ڪوٽڙي بئراج وٽ پاڻي جي کوٽ جي نتيجي ۾ ڪوٽڙي ڊائون اسٽريم خاص طور تي سامونڊي پٽي ۾ ماڻهن جي پيئڻ لاءِ ته پاڻي جي شديد کوٽ پيدا ٿيڻ واري آهي. ان سان گڏ ٺٽي، سُجاول، بَدين ۽ ٽَنڊي مُحمد خان ۾ پاڻي جو بُحران وَڌيڪ شِدت اِختيار ڪَرڻ لَڳو، وارا بَندي سَبب پوڇڙ وارن عِلائقن ۾ پاڻي پَھچي نه سَگھيو، واھن ۽ شاخن مان واري اُڏامڻ لَڳي، انسانن سان گڏ، جانور ۽ پکي پَکڻ به پاڻي ڍُڪ لاءِ پريشان.
ان سلسلي ۾ سنڌ جي آبپاشي کاتي جي ذريعن کان معلوم ٿيو آهي ته سنڌو درياءُ ۾ پاڻي جو وهڪرو انتهائي درجي تائين گهٽجڻ ان سان گڏ سنڌ ۾ پاڻي جي کوٽ پنجاهه سيڪڙو تائين پهچڻ واري آهي، ان جي باوجود به پنجاب چشهما جهلم لنڪ ڪئنال ذريعي مسلسل پاڻي کڻي رهيو آهي.
