سنڌسماءَچار
Related Articles
وڏو وزير مراد علي شاهه سنڌي ميڊيا تي ڏمرجي پيو، وڏي وزير ڪي ٽي اين نيوز ۽ سنڌ ٽي وي نيوز جو نالو کڻي تنقيد جو نشانو بڻائيندي چيو ته هن چيو ته ڪي ٽي اين نيوز ۽ سنڌ ٽي وي نيوز ڪئنالن تي ڪم بابت خبرون ڏين ٿيون ته 40 سيڪڙو ڪم مڪمل ٿي ويو آهي، وڏي وزير سنڌي ميڊيا کي تنقيد جو نشانون بڻائيندي هڪ ڀيرو وري چيو آهي ته ڪئنالن تي ڪو به ڪم نه ٿو ٿئي، ڪئنالن جي تعمير وارين ڳالهين جي سختي سان ترديد ڪيان ٿو، گذريل سال جولاءِ مهيني دوران ڪئنالن جي صرف 500 ميٽر پروفائيلنگ ڪئي وئي هئي
ڳڙهي خدابخش (خاص نمائندو سنڌسماءَچار) سنڌو درياءَ مان 6 نوان ڪئنال ڪڍڻ ۽ ڪئنال تي جاري ڪم جي رپورٽنگ ڪرڻ تي وڏو وزير مراد علي شاهه سنڌي ميڊيا تي ڏمرجي پيو، وڏي وزير ڪي ٽي اين نيوز ۽ سنڌ ٽي وي نيوز جو نالو کڻي تنقيد جو نشانو بڻائيندي چيو ته هن چيو ته ڪي ٽي اين نيوز ۽ سنڌ ٽي وي نيوز ڪئنالن تي ڪم بابت خبرون ڏين ٿيون ته 40 سيڪڙو ڪم مڪمل ٿي ويو آهي، وڏي وزير سنڌي ميڊيا کي تنقيد جو نشانون بڻائيندي هڪ ڀيرو وري چيو آهي ته ڪئنالن تي ڪو به ڪم نه ٿو ٿئي، ڪئنالن جي تعمير وارين ڳالهين جي سختي سان ترديد ڪيان ٿو، گذريل سال جولاءِ مهيني دوران ڪئنالن جي صرف 500 ميٽر پروفائيلنگ ڪئي وئي هئي، وفاقي حڪومت ڪئنالن جي منظوري ئي ناهي ڏني ۽ بجيٽ به ناهي ته ڪئنال ڪيئن ڪڍيا ويندا؟.
وڏي وزير ڳڙهي خدابخش ۾ شهيد ذوالفقار علي ڀٽو ۽ ٻين شهيدن جي مزارن تي حاضري ڀرڻ بعد ميڊيا سان ڳالهائيندي ۽ سوالن جا جواب ڏيندي چيو ته ٻڌل سُڌل ڳالهين تي ڌيان نه ڏنو وڃي، پيپلزپارٽي سنڌ جي مفاد لاءِ هر قسم قرباني ڏيڻ لاءِ تيار آهي. هن چيو ته پيپلزپارٽي جي حمايت ۽ مدد سان ئي ورفاقي حڪومت هلي رهي آهي، جيڪڏهن پيپلزپارٽي حمايت واپس وٺي ته پ پ پ جي ايم اين اي کانسواءِ وفاقي حڪومت هڪ منٽ ۾ ڪرِي پوندي، جيڪڏهن ڪئنال ٺهيا ته اسان اُن حد تائين وڃي سگهون ٿا.
