سنڌسماءَچار
Related Articles
سنڌ حڪومت ۽ آءِ جي سنڌ اي ڊي خواجا وچ ۾ هلندڙ تڪرار چوٽ چڙهي ويو آهي، سنڌ حڪومت آءِ جي جا اختيار محدود ڪرڻ جي ڪوششن ۾ مصروف ٿي وئي آهي.
ڊپٽي سيڪريٽري امپليمينٽيشن اينڊ ڪوآرڊينيشن پاران جاري ڪيل نوٽيفڪيشن ۾ ڊي آءِ جيز ۽ ايس ايس پيز سميت ٻين آفيسرن کي پنهنجي آفيس مان ڪنهن به ٻي پاسي وڃڻ لاءِ سي ايم هائوس کي اطلاع ڪري چيف سيڪريٽري کان اجازت وٺڻ جو پابند بڻايو ويو آهي.
هڪ نوٽيفڪيشنNO.SO(C-III)/CMS/CMD-26(CM Directive)2017-date 30 May 2017 ۾ چيو ويو آهي ته، ڪو به ڪمشنر، ڊي سي، ڊي آءِ جي ۽ ايس ايس پي لاڳاپيل هيڊيڪوارٽر/آفيس/اسٽيشن وڏي وزير کي ٻڌائڻ کان سواءِ نه ڇڏي سگهندو.
ڊپٽي سيڪريٽري امپليمينٽيشن اينڊ ڪوآرڊينيشن جي صحيح سان جاري ڪيل نوٽيفڪيشن ۾ چيو ويو آهي ته، ڄاڻايل آفيسرز مان ڪو به آفيسر هيڊڪوارٽر ڇڏڻ کان اڳ سي ايم هائوس ۽ چيف سيڪريٽري کي لازمي طور تي ڄاڻ ڏئي اجازت وٺندو، اهڙي اجازت وٺڻ کان سواءِ ڪو به آفيسر، هيڊڪوارٽر/لاڳاپيل آفيس نه ڇڏي سگهندو.
