سنڌسماءَچار
Related Articles
ڪرونا وائرس جي روڪٿام لاءِ ڪيل لاڪ ڊائون جي ڀڃڪڙي ڪندڙن کي گولي هڻي ڇڏيو: فلپائني صدر
ڪراچي( مانيٽرنگ ڊيسڪ سنڌ سماءَ چار) فلپائينب ۾ ڪرونا وائرس جي روڪٿام لاءِ گذريل ڪيترن ئي ڏينهن کان لاڪ ڊائون جاري آهي، لاڪ ڊائون جي ڀڃڪڙي ڪرڻ تي هڪ شخص کي پوليس اهلڪار فائرنگ ڪري ماري ڇڏيو. فلپائين ۾ هيل تائين ڪرونا وگهي 152 ماڻهو فوت ٿي چڪا آهن ۽ متاثرن جو انگ ٽن هزارن کان وڌي ويو آهي. ڪجهه ڏينهن اڳ فلپائين جي صدر، روڊريگوڊيوٽريت حڪم جاري ڪيو هو ته لاڪ ڊائون جي خلاف ورزي ڪندڙن کي گولي هڻي ماريو وڃي. فلپائيني ميڊيا جو چوڻ آهي ته 5 اپريل تي فلپائين جي هڪ ناپسٽ واري علائقي جو رهواسي 63 سالن جو هڪ شخص لاڪ ڊائون جي خلاف ورزي ڪندي گهر کان ٻاهر نڪري آيو، مقامي پوليس آفيسر پاران کيس واپس وڃڻ جي هدايت ڪئي وئي ۽ ان لاءِ کيس صدر جو حڪم به ٻڌايو، ميڊيا رپورٽس مطابق ان شخص صدر سميت فلپائيني پوليس کي گارگند ڪرڻ شروع ڪيو ۽ گوڙ ڪندو رهيو، جنهن بعد پوليس آفيسر کيس فائرنگ ڪري ماري ڇڏيو. فلپائين ۾ هن ولقت تائين 3 هزار 246 کان وڌيڪ ماڻهو ڪرونا وائرس ۾ مبتلا ٿي چڪا آهن ۽ ڏيڍ سئو کان وڌيڪ ماڻهو حياتيون وڃائي ويٺا آهن.
