Tuesday , April 22 2025

ڪوئيٽا ويجهو نوحصار ۾ سيڪيورٽي فورسز جي ڪئمپ ڀرسان ڌماڪو، 4 جوان شهيد ۽ 6 زخمي

ڪوئيٽا (سنڌ سماءَ چار مانيٽرنگ ڊيسڪ) ڪوئيٽا ويجهو نوحصار ۾ قائم ليويز ۽ ايف سي جي ڪئمپ ڀرسان ڌاماڪي ۾ 4 جوان شهيد ۽ 6 زخمي ٿي پيا، ڌماڪي بعد سيڪيورٽي فورسز علائقي کي ڪڙو چاڙهي شهيدن جا مڙهه ۽ زخمين کي اسپتال منتقل ڪري ڇڏيو. ميڊيا رپورٽس مطابق سيڪيورٽي ذريعن جو چوڻ آهي ته، ڪوئيٽا کان لڳ ڀڳ 28 ڪلوميٽر پري نوحصار ۾ ايف سي ۽ ليويز جي ڪئمپ ڀرسان ڌماڪو ٿيو، جنهن جي نتيجي ۾ 4 جوان ٿڏي تي شهيد ٿي ويا. ڌماڪي جي نتيجي ۾ 6 جوان زخمي به ٿي پيا آحن. سيڪيورٽي ذريعن موجب ڌماڪي جي فوري بعد فورسز علائقي کي ڪڙو چاڙهي سرچنگ شروع ڪري ڇڏي. ڌماڪي بعد امدادي ڪارروايون ڪندي سيڪيورٽي فورسز شهيد جوانن جا مڙهه ۽ ڌماڪي ۾ زخمي ٿيلن کي فوري طور تي اسپتال منتقل ڪيو ويو. ذريعن موجب ابتدائي جاچ مطابق ڌماڪو آپگهاتي لڳي رهيو آهي، جنهن  جي وڌيڪ جاچ پڙتال ڪئي پئي وڃي.

About Asghar Azad

Check Also

صدر آصف زرداري جي طبيعت خراب، نجي اسپتال داخل، دبئي منتقل ڪرڻ جو امڪان، اسپتال جي سيڪيورٽي سخت

آصف زرداريءَ کي دبئي منتقل ڪرڻ بابت خانداني فردن حتمي فيصلو ناهي ڪيو، پر آصف …

Leave a Reply

Your email address will not be published. Required fields are marked *