سنڌسماءَچار
Related Articles
اسلام آباد( رپورٽر سنڌسماءَچار) وفاقي حڪومت جي سمورن ملازمن کي 3 مهينن جون پگهارون بونس طور ڏيڻ جو اعلان مڪيو ويو آهي، وزير اعظم ملازمن کي 3 مهينن جون پگهارون (سندن بنيادي پگهار) بونس ۾ ڏيڻ جو فيصلو قومي اقتصادي ڪائونسل جي سربراهه جي حيثيت ڏنو آهي، جنهن جو نوٽيفڪيشن به جاري ڪيو ويو آهي. وزيراعظم هائوس پاران جاري ڪيل بيان ۾ چيو ويو آهي ته وزيراعظم شاهد خاقان عباسي پاران وفاقي ملازمن کي ٽن مهينن جو بونس بنيادي پگهار موجب ڏيڻ جي منظوري ڏني آهي. ترجمان موجب ايندڙ مهيني جي پگهار ۾ وفاقي ملازمن کي ٽن مهينن جي اضافي پگهار ڏني ويندي.
وزيراعظم جي اهڙي فيصلي سان وفاقي حڪومت جي 11 لکن کان وڌيڪ ملازمن کي سندن 3 مهينن جي بنيادي پگهار ڏيڻ سان ملڪي خزاني تي لڳ ڀڳ 60 ارب رپين جو واڌڏو وزن پوندو. جيڪو اڳ ئي پيش ڪيل خساري واري بجيٽ تي وڌيڪ ٻوجهه هوندو.
