پوليس فرزانا جمالي کي هيسائڻ وارو ڪيس سي ڪلاس قرار ڏئي داخل دفتر ڪري ڇڏيو

نوابشاهه ( خاص نمائندو سنڌسماءَچار) نوابشاهه پوليس شهيد بينظير ڀٽو يونيورسٽي نوابشاهه جي شاگردياڻي کي هيسائڻ واري ڪيس کي سي ڪلاس قرار ڏئي داخل دفتر ڪري ڇڏيو آهي، جاچ آفيسر پاران عدالت ۾ جمع ڪرايل رپورٽ ۾ چيو آهي ته، فريادڻ شاگردياڻي کيس هيسائڻ واري معاملي بابت ڪو به ثبوت پيش ڪرڻ ۾ ناڪام ٿي وئي آهي، جنهن جيڪري ڪيس سي ڪلاس ڪيو ويو آهي. شاگردياڻي فرزانه جمالي کي وي سي ۽ پروفيسر پاران هيسائڻ واري معاملي جو تعلقي ٿاڻي تي پوليس طرفان داخل ڪرايل ڪيس جاچ آفيسر سب انسپيڪٽر محمد علي ڏهراج سي ڪلاس قرار ڏئي جڊيشل مئجسٽريٽ ٽو صفدر جتوئي جي عدالت ۾ جمع ڪرائي ڇڏيو. جاچ آفيسر رپورٽ ۾ ڄاڻايو آهي ته، فريادڻ الزامن جا ثبوت مهيا نه ڪري سگهي جنهن ڪري ڪيس سي ڪلاس ڪجي ٿو. پوليس فرزانا جمالي پاران ڏنل درخواست کي ايف آءِ آر ۾ تبديل ڪري پنهنجي مدعيت ۾ ڪيس داخل ڪيو هو.

فرزانا جمالي ڪيس:نوابشاهه پوليس بااثر وي سي ۽ پروفيسر جي ونگارو بڻجي وئي؟؟