سنڌسماءَچار
Related Articles
ڪراچي (رپورٽ: اصغر آزاد سنڌسماءَچار ) اڳوڻي صدر آصف علي زرداريءَ جي طبيعت ۾ سوا مهينو لاڳيتي علاج باوجود سڌارو اچي نه سگهيو، انجائينه جي تڪليف سبب کيس اينجيوگرافي جي صلاح. ضمانت تي آزادي بعد 14 ڊسمبر تي ڪراچي جي نجي اسپتال ۾ داخل ٿيل اڳوڻي صدر آصف زرداري جي مختلف بيمارين جي ميڊيڪل رپورٽ جاري ڪئي وئي آهي. آصف زرداري جي ميڊيڪل رپورٽ ۾ چيو ٻن مرضن جو خصوصي طور تي ذڪر ڪيو ويو آهي، رپورٽ مطابق، آصف زرداري کي لاڳيتو انجائينيه جي تڪليف برقرار آهي ۽ سندس شگر ليول تي به ضابطو نه پيو ٿئي. انجائينيه جي لڳيتي تڪليف سبب آصف زرداري کي صلاح ڏني وئي آهي ته سندس انجيوگرافي ڪرائڻ ضروري آهي. رپورٽ ۾ چيو ويو آهي ته، اڳوڻي صدر ۽ پيپلز پارٽي جي شريڪ چيئرمين آصف علي زرداري جي طبيعت ۾ بهتري اچڻ وارو عمل انتهائي سست آهي.
