سنڌسماءَچار
Related Articles
ڪراچي (رپورٽر سنڌ سماءَ چار) پاڪستان پيپلز پارٽي جي چيئرمين بلاول ڀٽو زرداري؛ نواز شريف ۽ عمران خان کي چئلينج ڪيو آهي ته اهي ايندڙ چونڊن ۾ پ پ جو ڪراچي ۾ مقابلو ڪن ته کين خبر پئجي ويندي ته عوام کين ڪيتري موٽ ڏئي ٿو. بلاول ڀٽي زرداري. شهباز شريف شريف ۽ عمران خان ڪراچي مان چونڊون وڙهن ته ٻنهي کي عبرتناڪ شڪست ڏينداسين. هن چيو ته شهباز شريف کي ماڊل ٽائون سانحي، ملتان ميٽرو ۽ آشيانه هائوسنگ اسڪيم جو حساب ڏيڻو آهي. پيپلز پارٽي جي چيئرمين بلاول ڀٽو ميڊيا سان ڳالهائيندي چيو ته عوام کي ” ڇو ڪڍيو“ سان ڪو به مقصد ناهي، پيپلز پارٽي واحد پارٽي آهي جيڪا عوامي مسئلا حل ڪري سگهي ٿي. هن چيو ته عدالت ۽ پارليامينٽ جي بدران پيپلز پارٽي هميشه عوام سان گڏ رهي آهي، ميمو گيٽ اسڪينڊل هڪ ڪوڙو ڪيس هو، پاناما ڪيس تان ڌيان هٽائڻ لاءِ نواز شريف ميمو گيٽ اسڪينڊل کي زندهه ڪري رهيو آهي.
