سنڌسماءَچار
Related Articles
ٽنڊو غلام علي ( سنڌ سماءَ چار نيوز ) ايشيا جي سڀ کان وڏي گڏهن جي وڏي پڙي ۾ گڏهن جو وڪرو ۽ خريداري جاري آهي. ٽنڊو غلام علي ۾لڳندڙ ايشيا کنڊ جي سڀ کان وڏي گڏهن جي پڙي هن سال به وڏي ڌام ڌوم سان جاري آهي، پڙي ۾ سنڌ جي مختلفن شهر مان گڏهن جا واپاري خريداري ۾ رڌل آهن. ٽنڊو غلام علي شهر جي پراڻي ڪارخاني وٽ لڳل پڙي ۾ سنڌ جي مختلف شهرن ڪراچي، جيڪب آباد، لاڙڪاڻي، دادو، نوابشاهه، ميرپورخاص ۽ نوشهروفيروز سميت ٻين شهرن مان هزارين واپاري پڙي ۾ پهتل آهن، جيڪي اعليٰ نسل جا گڏهه خريد ۽ وڪرو ڪري رهيا آهن. ان موقعي تي واپارين ميڊيا سان ڳالهائيندي چيو ته اڳ جي ڀيٽ ۾ هن سال پڙي ۾ واپاري گهٽ اگهه وارا گڏهه خريد ڪري رهيا آهن. واپارين جو چوڻ هو ته پڙي ۾ قائم هوٽلن تي ماني مهانگي آهي،گاهه به شهر کان وڌيڪ اگهه تي ملي رهيو آهي. هوڏانهن پڙي ۾ هن سال به لاسي، ايراني، لاڙي، برا، جابلو، ٽڪر، خودڙا، ڪوهستاني، ٽامڙا ۽ ٻين نسلن جا گڏهه وڪري لاءِ آيل آهن.
