سنڌسماءَچار
Related Articles
ملتان(سنڌ سماءَ چار مانيٽرنگ ڊيسڪ) پاڪستان پيپلز پارٽي پارليامينٽيرينز جي سربراهه ۽ اڳوڻي صدر آصف زرداري چيو آهي ته ن ليگ جي حڪومت وڃڻ واري نه پر وڃي رهي آهي، حڪومت خلاف هاڻي سازش ڪري سگهون ٿا، نوازشريف جي غلطين سبب ئي اسٽيبلشمينٽ ۽ نون ليگ جي سرڪار هڪ پيج تي نه آهن، نوازشريف فرعونيت جي انتها تي پهتل هو، هاڻي چوي پيو ته مون کي ڇو ڪڍيو ويو. ملتان ۾ پ پ پ جي جلسي کي خطاب ڪندي آصف زرداري چيو ته پرويز مشرف کي آڻڻ وارو به نواز شريف هو پر اسان ملڪ جي ڀلائي لاءِ کيس مکڻ مان وار جيان ڪڍي ڇڏيو. نون ليگ جي حڪومت وڃڻ واري نه آهي پر وڃي رهي آهي، اسان سرڪار خلاف سازش نه ڪئي آهي پر هاڻي متان ڪري سگهون ٿا.
سندس چوڻ هو ته نواز شريف جي غلطين جي ڪري سرڪار ۽ اسٽيبلشمينٽ هڪ پيج تي نه آهن، انڪري ئي مسئلا وڌي ويا آهن. عوام پ پ جو ساٿ ڏنو ته ايندڙ حڪومت به عوام کي ٺاهي ڏيکارينداسين.
