Tuesday , April 22 2025

بلوچستان جي مختلف علائقن ۾ آپريشن،7 دهشتگرد مارجي ويا، 2 جوان شهيد

دهشتگردن سان جهيڙيندي شهيد ٿيل جوان

سبي/ڪوئيٽا(سنڌسماءَچار مانيٽرنگ ڊيسڪ) بلوچستان جي علائقي ڪٽ ڪلي، سبي ۽ ڪوهلو ڀرسان  سيڪيورٽي فورسز جي الڳ الڳ آپريشن دوران 7 دهشتگرد مارجي ويا، دهشتگردن سان جهيڙيدي 2 جوان شهيد ٿي ويا. سيڪيورٽي ذريعن جو چوڻ آهي ته ڪٽ ڪلي واري علائقي ۾ آپريشن ڪيو ويو، جنهن ۾ مارجي ويل دهشتگردن جو واسطو بندش وڌل تنظيمن سان هو. ذريعن جو چوڻ آهي ته مارجي ويل دهشتگرد 2004 کان فورسز کي گهربل هئا. سيڪيورٽي فورسز پاران ڪٽ ڪلي ۾ ڪارروائي دوران 11 عورتن ۽ ٻارن کي دهشتگردن جي قبضي مان بازياب ڪرايو ويو. سيڪيورٽي فورسز تصديق ڪندي ڄاڻايو ته ڪٽ ڪلي جي علائقي ۾ 3 دهشتگرد ماريا ويا، جن جو واسطو بندش وڌل تنظيمن سان هو. بلوچستان جي علائقي مستونگ ۾ سرچ آپريشن دوران دهشتگردن ۽ سيڪيورٽي فورسز ۾ فائرنگ جي ڏي وٺ ٿي، جنهن دوران 4 دهشتگرد مارجي ويا، جڏهن ته ٻه جوان شهيد ٿيا ۽ 6 جوان زخمي ٿي پيا. ذريعن جو وڌيڪ چوڻ آهي ته آپريشن رد الفساد دوران ڪوهلو ڀرسان دهشتگردي جي واردات کي ناڪام بڻائيندي وڏي انگ ۾ هٿيار هٿ ڪيا ويا.هٿ ڪيل هٿيارن ۾ ديسي بم،خودڪار هٿيار،سوين گولين جا رائونڊ ۽ ڏماڪيدار مواد  شامل آهي.

About Asghar Azad

Check Also

صدر آصف زرداري جي طبيعت خراب، نجي اسپتال داخل، دبئي منتقل ڪرڻ جو امڪان، اسپتال جي سيڪيورٽي سخت

آصف زرداريءَ کي دبئي منتقل ڪرڻ بابت خانداني فردن حتمي فيصلو ناهي ڪيو، پر آصف …

Leave a Reply

Your email address will not be published. Required fields are marked *