سنڌسماءَچار
Related Articles
ڪراچي( رپورٽر سنڌسماءَچار) ڪراچي جي گلشن اقبال واري علائقي ۾ حڪيم سعيد گرائونڊ تي پ پ ۽ پي ٽي آءِ ڪارڪنن وچ ۾ ٿيل جهيڙي جي 7 سئو ڪارڪنن خلاف ايف آءِ آر داخل ڪئي وئي آهي. حڪيم سعيد گرائونڊ ۾ 12 مئي تي رٿيل پ پ ۽ پي ٽي آءِ جي جلسي جي تيارين دوران پ پ ۽ پي ٽي آءِ ڪارڪن پاڻ ۾ آمهون سامهون ٿي پيا هئا. ڪارڪنن جي جهيڙي دوران ڪيترن ئي گاڏين کي باهيون ڏنيون ويون هيون، پوليس 7 سئو کان وڌيڪ ڪارڪنن خلاف عزيز ڀٽي ٿاڻي تي سرڪاري فرياد هيٺ ايف آ۽ آر داخل ڪري ڇڏيو آهي. ايس ايس پي اوڀر ڊاڪٽر سميع الله سومرو جو چوڻ آهي ته هن وقت ڪا به گرفتاري عمل ۾ نه اچي سگهي آهي، سي سي ٽي وي فوٽيجز جي مدد سان گرفتاري ڪئي ويندي، جهيڙي دوران ڪارڪنن جو انگ تمام گهڻو هيو سمورن ڪارڪنن کي گرفتاري نٿو ڪري سگهجي.
