سنڌسماءَچار
Related Articles
نيب پاران ڪرپشن ريفرنسز ۽ انڪوائريز کي منهن ڏيندڙ چونڊيل نمائندن ۽ ڪامورن خلاف ڪريڪ ڊائون جو فيصلو، نيب چيئرمين ڊي جي نيب سنڌ کي فون تي رابطو ڪري هدايت ڪئي آهي ته ريفرنسز ۽ انڪوائريز کي منهن ڏيندڙ اسيمبلي ميمبرن ۽ ڪامورن جا تفصيل کيس اماڻيا وڃن.
نيب چيئرمين قمر الزمان چوڌري ڊي جي نيب سنڌ الطاف باواني سان فون تي رابطو ڪري سنڌ ۾ هلندڙ نيب ڪيسز ۽ انڪوائريز بابت ڳالهه ٻولهه ڪئي.ذريعن جو چوڻ آهي ته نيب چيئرمين ڊي جي نيب کي هدايت ڪئي ته سنڌ ۾ نيب ريفرنسز ۽ انڪوائريز کي منهن ڏيندڙ جن اسيمبلي وزيرن، ميمبرن ۽ ڪامورن ضمانتون نه ڪرايون آهن انهن کي گرفتار ڪيو وڃي. ذريعن جو چوڻ آهي ته نيب چيئرمين سنڌ جي اسيمبلي ميمبرز ۽ آفيسرز خلاف هلندڙ ريفرنسز ۽ انڪوائريز جا سمورا تفصيل کيس اسلام آباد آفيس موڪليا وڃن.
