سنڌسماءَچار
Related Articles
لاهور(سنڌسماءَچار مانيٽرنگ ڊيسڪ) اڳو ڻو آمر ۽ صدر پرويز مشرف به پي ٽي آءِ سربراهه عمران خان جو حامي ظاهر ٿي پيو آهي، هن ريحام خان جي ڪتاب کي ن ليگ جي منصوبابندي قرار ڏئي ڇڏيو آهي. هڪ نجي ٽي وي جي پروگرام ۾ ڳالهائانيدي پرويز مشرف چيو ته ريحام خان جو ڪتاب ن ليگي منصوبو آهي، جنهن مقصد عمران خان کي نقصان پهچائڻ آهي. مختلف سوالن جا جواب ڏيندي پرويز مشرف چيو ته، هاڻي به نواز شريف جو سرڪاري مشينري تي اثر رسوخ آهي . سندس چوڻ هو ته هو ڪراچي ۽ چترال مان اليڪشن وڙهڻ جو ارادو رکي ٿو. هن چيو ته اسد دراني جو را جي سربراهه سان گڏجي ڪتاب لکڻ کل جوڳو آهي، اها سٺي ڳالهه آهي ته، اسد دراني جي ڪتاب تي پاڪ فوج اسد دراني خلاف ايڪشن وٺي رهي آهي. هن چيو ته حڪمران پنهنجي فائدي لا3 قانون ٺاهيندا آهن .سندس چوڻ هو ته نامزدگي ڪاغذ ۾ ڪرپٽ ماڻهن کي بچائڻ لاءِ تبديلي ڪئي وئي آهي .مشرف چيو ته هن وقت سڀ کان وڌيڪ ڪرپشن ڪيس نواز شريف تي هلي رهيا آهن .هن چيو ته نواز شريف خلاف ڪو به سازش ناهي ڪري رهيو پر هو پنهنجي خلاف پاڻ سازش ڪري پيو .سندس چوڻ هو ته نواز شريف جي ڪيسن سان منهنجي ڀيٽ نه نه ڪئي وڃي.
