سنڌسماءَچار
Related Articles
اسلام آباد (رپورٽر سنڌسماءَچار) پاڪستان جي تاريخ ۾ پهريون ڀيرو چونڊ نشانن ۾ انگريزي الفابيٽ جا اکر به شامل ڪيا ويا آهن، ايلڪشن ڪميشن جي ترجمان جو چوڻ آهي ته، چونڊن نشانن طور اي بي سي جا ڪيپيٽل اکر A-B-G-P – S شامل ڪيو ويو آهي، جيڪي نشان ايندڙ عام چونڊن ۾ اميدوارن کي جاري ڪري سگهبا. ملڪ ۾ 2018 ع عام چونڊن جون تياريون جاري آهن ۽ اليڪشن ڪميشن جي طرفان انتظامن کي حتمي شڪل ڏني پئي وڃي. اليڪشن ڪميشن چونڊن جي لاءِ چونڊ نشانن جي لسٽ پڻ تيار ڪري ڇڏي آهي جنهن ۾ سياسي پارٽين جي لاءِ 330 چونڊ نشانن جي فهرست جوڙي وئي آهي.
اليڪشن ڪميشن جي موجب چونڊ نشان ۾ پهريون ڀيرو انگريزي الفابيٽ ڪيپيٽل اي بي سي جا 6 لفظن A-B-G-P – S کي چونڊ نشان طور شامل ڪيو ويو آهي. اليڪشن ڪميشن جي طرفان چيو ويو آهي ته چونڊ نشانن ۾ چمچو ۽ جوتا پڻ شامل ڪيا ويا آهن. اليڪشن ڪميشن موجب، چونڊ نشان رکندڙ سياسي جماعتن کي پڻ ٻيهر درخواست ڏيڻي پوندي.
