سنڌسماءَچار
Related Articles
ڪراچي( رپورٽر سنڌسماءَچار) سنڌ اسيمبلي جي نئين چونڊيل اسپيڪر آغا سراج دراني اسيمبلي جي جي ڪارڪردگي، وزيرن ۽ ايم پي ايز بابت هر ٽئين مهيني رپورٽ بلاول ڀٽو زرداري کي پيش ڪرڻ جو اعلان ڪندي چيو آهي ته، جمهوري نظام هلندو رهندو ۽ اهو وڌيڪ سگهارو ٿيندو، ايوان کي قاعدن ۽ قانون مطابق هلائيندس،هن چيو ته پ پ ايم پي ايز جي ٽه ماهي ڪارڪردگي جي رپورٽ پارٽي سربراهه بلاول ڀٽو زرداري کي پيش ڪندس. سنڌ اسيمبلي ٻاهران ميڊيا سان ڳالهائيندي آغا سراج دراني چيو ته هر دور ۾ مخالف ڌر مخالف ڌر هوندي آهي، اها جيئن اشوز کي ايوان ۾ کڻي ايندي حڪومتي ڌر ان مطابق ئي رد عمل ظاهر ڪندي آهي. اسيمبلي ميمبرن جي ڪارڪردگي جي رپورٽ انهن ليڊرن جي حوالي به ڪنداسين. اسپيڪر آغا سراج دراني چيو ته ميمبرن جي ڪارڪردگي تي نظر رکڻ منهنجي ذميواري ۾ شامل آهي. گذريل اسيمبلي ۾ به ٽن سالن جي رپورٽ تيار ڪئي هئي،اڃان ٻن سالن جي رپورٽ رهيل آهي. هن چيو ته سمورن ميمبرن سان گڏجي ايوان کي هلائيندس ۽ عورتن جو سڀني کان وڌيڪ احترام ڪريان ٿو.
