سنڌسماءَچار
Related Articles
لاڙڪاڻو( سنڌسماءَچار مانيٽرنگ ڊيسڪ) رتو ديرو جي نجي اسپتال جي ڊاڪٽر جي مبينا لاپرواهي جي نيتيجي ۾ 13 ميهنن جو معصوم نينگر معذور بڻجي ويو آهي، چانڊڪا اسپتال جي ڊاڪٽرن نينگر تنوير جي ٻانهن آپريشن ذريعي ڪپي سندس حياتي بچائي ورتي آهي. لاڙڪاڻي ۾ چانڊڪا اسپتال جي ڊاڪٽرن 13 مهينن جي معصوم ٻارڙي جي خراب ٿيل ٻانهن آپريشن ڪري ڪٽي ڇڏي، وارثن جو چوڻ آهي ته ٻارڙي جي ٻانهن رتيديري جي خانگي اسپتال جي ڊاڪٽر لڇمڻ غلط انجيڪشن هڻڻ سبب خراب ٿي، ذميوار خلاف ڪيس داخل ڪري ڪارروائي ڪئي وڃي. رتوديرو واسي حسين بخش چانڊيو جي 13 مهينن جي پٽ تنوير کي ٻانهن ۾ تڪليف سبب گذريل ڏينهن چانڊڪا اسپتال لاڙڪاڻو ۾ داخل ڪرايو ويو، جتي ڊاڪٽرن سندس آپريشن ڪري ٻانهن ڪٽي ڇڏي آهي. وارثن جو چوڻ آهي ته گذريل ڏينهن ٻارڙي کي پيٽ جي بيماري سبب رتي ديري جي خانگي اسپتال داخل ڪيو هو، جتي ڊاڪٽر لڇمڻ داس کيس غلط انجيڪشن هنئي، جنهن جي نتيجي ۾ ٻارڙي جي ٻانهن خراب ٿي. هنن مطالبو ڪيو ته معاملي جي جاچ ڪرائي ذميوار ڊاڪٽر خلاف ڪارروائي ڪئي وڃي. ٻئي پاسي غلط انجيڪشن هڻندڙ ڊاڪٽر خلاف ڪا به ڪارروائي نه ڪئي وئي آهي ۽ صحت کاتو به خاموش تماشائي بڻيل آهي.
