سنڌسماءَچار
Related Articles
کدڙن فقيرن کي تعليم حاصل ڪرڻ گهرجي، انهن کي سماج جو ڪارائتو حصو بڻائڻ چاهيون ٿا: وڏو وزير مراد علي شاهه
ڪراچي (رپورٽر سنڌسماءَچار) سنڌ حڪومت مثبت قدم کڻندي کدڙن فقيرن لاءِ سرڪاري نوڪرين ۾ ڏهائي پنج سيڪڙو ڪوٽا مقرر ڪري ڇڏي آهي، سنڌ ڪابينا به فيصلي جي منظوري ڏئي ڇڏي آهي، وڏي وزير مراد علي شاهه جي صدارت هيٺ سنڌ ڪابينا جي اجلاس ۾ چيف سيڪريٽري سنڌ، صوبائي وزيرن، صلاحڪارن، آءِ جي سنڌ ۽ ٻين شرڪت ڪئي. اجلاس دوران سمورن سرڪاري ادارن ۾ کدڙن فقيرن کي نوڪريون ڏيڻ لاءِ ڏهائي 5 سيڪڙو ڪوٽا رکڻ جي منظوري ڏني وئي. اُن موقعي تي ڳالهائيندي وڏي وزير چيو ته کدڙن فقيرن جي ڪميونٽي کي عام ڪاروهنوار ۽ سرڪاري نوڪرين جي نظام ۾ شامل ڪرڻو آهي. وڏي وزير چيو ته کدڙن فقيرن کي معاشري جو ڪارائتو فرد بڻائڻ گهرون ٿا. وڏي وزير کدڙن فقيرن کي سرڪاري نوڪرين جون درخواستون ڏيڻ لاءِ ڪاغذ تيار ڪرڻ جي هدايت ڪئي ۽ هدايت ڪئي ته کدڙن فقيرن جي ڪميونٽي پنهنجي تعليم تي ڀرپور ڌيان ڏئي.
http://www.sindhsamaachar.com/ur/%d8%b0%d9%88%d8%a7%d9%84%d9%81%d9%82%d8%a7%d8%b1-%d9%85%d8%b1%d8%b2%d8%a7-%d8%ac%d9%8a-%d9%be%d9%bd-%d8%ad%d8%b3%d9%86%d9%8a%d9%86-%d9%85%d8%b1%d8%b2%d8%a7-%d9%85%d9%84%da%aa-%d8%b1%d9%8a%d8%a7%d8%b6/
